Qaraqalpaqstanda joqarı kѳrsetkishke iye isbilermenlerdiń sanı artıp atır

Húrmetli Prezidentimizdiń 39-sanlı (23.01.2024-j.) qararı menen 2024-jıldıń 1-fevral sánesinen baslap, «Isbilermenlik subektleriniń turaqlılıq reytingi» engizilgen bolıp, onda ótken jıldıń aprel ayında Qaraqalpaqstan boyınsha «AAA» (joqarı) kategoriyaǵa iye jámi isbilermenlerdiń sanı 10 ǵa da jetpeytuǵın edi. Prezidentimizdiń Qaraqalpaqstanǵa bolǵan ayrıqsha itibarı hám respublikamızda isbilermenlikti rawajlandırıw boyınsha qabıl etilgen qarar hám pármanlar búgingi kúnge kelip óz nátiyjesin berip atır hám isbilermenlerdiń sanı artıwına tiykar bolıp xızmet etpekte. ❗️Búgingi kúnge kelip, bir jılǵa shamalas waqıt ishinde joqarı kategoriyaǵa (AAA) iye isbilermenlerdiń ulıwma sanı 128 ge jetti. Qaraqalpaqstanǵa óz-aldına berilgen jeńillikler tiykarında joqarı kórsetkishlerdegi isbilermenler sanı ele de kóbeyedi. Usı jıldıń 15-fevral jaǵdayına muwapıq, «Isbilermenlik subektleriniń turaqlılıq reytingi» boyınsha, Qaraqalpaqstan Respublikasında jumıs alıp barıwshı jámi 25 700 isbilermenlik subektlerinen: • «AAA» (joqarı) kategoriyaǵa iye jámi 128; • «AA» kategoriyasına iye jámi 244; • «A» katergoriyasına iye jámi 279; • «VVV» (orta) katergoriyaǵa iye jámi 1047; • «VV» katergoriyasına iye jámi 1911; • «V» katergoriyasına iye jámi 2534; • «SSS» (qanaatlandırarlı) kategoriyaǵa iye jámi 1483; • «SS» kategoriyaǵa iye jámi 6072; • «S» kategoriyaǵa iye jámi 4291; • «D» (tѳmengi) kategoriyaǵa iye jámi 7711 biznes subektleri háreket etip kelmekte. ❗️Húrmetli isbilermenler! Eger de, kárxanańızdıń reytingin búginniń ѳzinde bilmekshi bolsańız Sawda-sanaat Palatasınıń veb-saytı arqalı tolıq maǵlıwmat alıwıńız múmkin. 🌐 Veb-sayt siltemesi: https://chamber.uz/contractor-rating