Velosporttı rawajlandırıw máseleleri talqılandı
1347
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Ózbekstan velosiped sportı federaciyası baslıǵınıń birinshi orınbasarı, Aziya velosport konfederaciyası Bas xatkeri K.Wrinboyxwjaev hám federaciya bas xatkeri Asqarbek Toǵaybekov penen ushırastı. Onda dáslep, Joqarǵı Keńes Baslıǵı sońǵı jılları barlıq tarawlar qatarında elimizde sport tarawın rawajlandırıw hám ǵalabalıq sporttı en jaydırıw boyınsha ámelge asırılıp atırǵan jumıslar, Prezidentimizdiń ayrıqsha itibarı menen jaratılıp atırǵan sharayatlar haqqında keń túrde atap ótti. Sonday-aq, sport túrleri qatarında Qaraqalpaqstan Respublikasında velosporttı ele de rawajlandırıw, 2025-jılda ámelge asırılıwı tiyis jumıslar, sportshılarımızdıń joqarı nátiyjelerge erisiwi ushın bunnan-bılay da keń imkaniyatlar jaratıw máseleler talqılandı. 
Atap ótiw orınlı, jaqında húrmetli Prezidentimizdiń basshılıǵında Olimpiada hám Paralimpiada oyınlarına tayarlıqtı kúsheytiw, ǵalabalıq sporttı jańa basqıshqa alıp shıǵıw boyınsha videoselektor májilisi ótkerilip, onda perspektivalı sport túrleri, sonıń ishinde velosporttı ele de rawajlandırıw baǵdarında tapsırmalar berilgen edi. Búgingi ótkerilgen ushırasıwda da berilgen tapsırmalar tiykarında bul sport túrin ǵalabalastırıw, licenziya alıw hám medallar sanın kóbeytiw ushın kúshli tayarlıqlardı kóriw máseleleri sóz etilip, aldaǵı wazıypalar belgilep alındı.
Atap ótiw orınlı, jaqında húrmetli Prezidentimizdiń basshılıǵında Olimpiada hám Paralimpiada oyınlarına tayarlıqtı kúsheytiw, ǵalabalıq sporttı jańa basqıshqa alıp shıǵıw boyınsha videoselektor májilisi ótkerilip, onda perspektivalı sport túrleri, sonıń ishinde velosporttı ele de rawajlandırıw baǵdarında tapsırmalar berilgen edi. Búgingi ótkerilgen ushırasıwda da berilgen tapsırmalar tiykarında bul sport túrin ǵalabalastırıw, licenziya alıw hám medallar sanın kóbeytiw ushın kúshli tayarlıqlardı kóriw máseleleri sóz etilip, aldaǵı wazıypalar belgilep alındı.