«Júweri gúrtik kúni» keń túrde belgilendi
1445
Sońǵı jıllarda 25-fevral sánesi «Júweri gúrtik kúni» sıpatında keń túrde belgileniwi dástúrge aylanıp úlgergen hám sáne múnásibeti menen usı jılda da hár qıylı ilajlar ótkeriliwi rejelestirilgen. Búgin Nókis qalasındaǵı «Qaraqalpaq awılı» ájayıp etno-turistlik ornında «Júweri gúrtik kúni» bayram sıpatında keń túrde belgilendi. 
Onda bul milliy taǵamdı tayarlaw boyınsha aspazlar tańlawı, Qaraqalpaq milliy folklor atqaıwshılarınıń koncert baǵdarlaması, milliy sport oyınları, ónermentler kórgizbeleri hám basqa da mádeniy ilajlar ótkerildi. Ilajdıń ashılıw saltanatında jası úlken nuranıylar, el ardaǵındaǵı aqsaqallar shıǵıp sóylep, milliy taǵamlarımızdıń biri bolǵan júweri gúrtiktiń ásirler dawamında áwladtan-áwladqa ótip, xalqımızdıń turmısı menen sıbaylas búgingi kúnge shekem jetip kelgeni, óz náwbetinde júweri gúrtik milliy brendlerimizdiń biri hám Qaraqalpaqstannıń ózine tán shaqırıw qaǵazı ekenligin ayrıqsha atap ótti. Usınday ájayip milliy kádriyatlarımız úlgilerin keleshek áwladlarǵa sap, taza halında jetkeriw hár birimizdiń wazıypamız ekenligi ayrıqsha tilge alındı. Sáne múnásibeti menen ótkerilgen ilajlar joqarı dárejede shólkemleskenlik penen, kóterińki ruxta dawam etti.
Onda bul milliy taǵamdı tayarlaw boyınsha aspazlar tańlawı, Qaraqalpaq milliy folklor atqaıwshılarınıń koncert baǵdarlaması, milliy sport oyınları, ónermentler kórgizbeleri hám basqa da mádeniy ilajlar ótkerildi. Ilajdıń ashılıw saltanatında jası úlken nuranıylar, el ardaǵındaǵı aqsaqallar shıǵıp sóylep, milliy taǵamlarımızdıń biri bolǵan júweri gúrtiktiń ásirler dawamında áwladtan-áwladqa ótip, xalqımızdıń turmısı menen sıbaylas búgingi kúnge shekem jetip kelgeni, óz náwbetinde júweri gúrtik milliy brendlerimizdiń biri hám Qaraqalpaqstannıń ózine tán shaqırıw qaǵazı ekenligin ayrıqsha atap ótti. Usınday ájayip milliy kádriyatlarımız úlgilerin keleshek áwladlarǵa sap, taza halında jetkeriw hár birimizdiń wazıypamız ekenligi ayrıqsha tilge alındı. Sáne múnásibeti menen ótkerilgen ilajlar joqarı dárejede shólkemleskenlik penen, kóterińki ruxta dawam etti.