Qaraqalpaqstanlı jaslar ushın Tashkent qalası hám wálayatlardaǵı bos jumıs orınları yarmarkası shólkemlestirildi
1576
Húrmetli Prezidentimizdiń Qaraqalpaqstan Respublikasına bolǵan saparı dawamında mámleketimiz joqarı oqıw orınların tamamlap atırǵan Qaraqalpaqstanlı studentlerdiń wáláyatlar hám Tashkent qalasında jumısqa kiriwi ushın zárúr sharayatlar jaratıp beriw boyınsha wazıypalar belgilep berilgen edi. Usı tiykarda búgin Nókis qalasındaǵı Aq quw kompleksinde bos jumıs orınları yarmarkası bolıp ótti. 
Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, yarmarkanıń ashılıwı múnásibeti menen jıynalǵanlardı qutlıqladı hám bul shólkemlestirilgen ilaj elimiz jaslarınıń bántligin támiyinlewde áhmiyetli ekenligin atap ótti. Ilajda Ózbekstan Respublikası Prezidentiniń keńesgóyi T.Xudaybergenov, Ózbekstan Respublikası Prezidenti keńesgóyiniń birinshi orınbasarı U.Muxammadiev, Ózbekstan Respublikası Kámbaǵalıqtı qısqartıw hám bántlik ministri B.Zaxidovlar qatnastı. 
Atap ótilgenindey, sońǵı jılları erteńgi keleshegimiz iyeleri bolǵan jaslarımız ushın qolaylı sharayatlar jaratıwǵa, ásirese, olardı joqarı maǵlıwmatlı kadrlar etip tayarlawǵa, bántligin támiyinlewge ayrıqsha itibar qaratılmaqta. Bıyılǵı jılı joqarı oqıw orınların 21 mıńǵa jaqın Qaraqalpaqstanlı jaslardıń pitkeriwi kútilmekte. Sonnan, 10 mıńnan aslam jaslar Tashkent qalası hám wálayatlardaǵı joqarı oqıw orınların tamamlaydı. Búgingi miynet yarmarkası joqarı oqıw orınların pitkerip atırǵan usınday Qaraqalpaqstanlı studentlerdiń bántligin támiyinlewge, Tashkent qalası hám barlıq wálayatlardaǵı mámleketlik, sonday-aq, jeke sektordaǵı bos jumıs orınları menen jaqınnan tanısıwına keń imkaniyatlar maydanı boldı desek aljaspaǵan bolamız.
Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, yarmarkanıń ashılıwı múnásibeti menen jıynalǵanlardı qutlıqladı hám bul shólkemlestirilgen ilaj elimiz jaslarınıń bántligin támiyinlewde áhmiyetli ekenligin atap ótti. Ilajda Ózbekstan Respublikası Prezidentiniń keńesgóyi T.Xudaybergenov, Ózbekstan Respublikası Prezidenti keńesgóyiniń birinshi orınbasarı U.Muxammadiev, Ózbekstan Respublikası Kámbaǵalıqtı qısqartıw hám bántlik ministri B.Zaxidovlar qatnastı. Atap ótilgenindey, sońǵı jılları erteńgi keleshegimiz iyeleri bolǵan jaslarımız ushın qolaylı sharayatlar jaratıwǵa, ásirese, olardı joqarı maǵlıwmatlı kadrlar etip tayarlawǵa, bántligin támiyinlewge ayrıqsha itibar qaratılmaqta. Bıyılǵı jılı joqarı oqıw orınların 21 mıńǵa jaqın Qaraqalpaqstanlı jaslardıń pitkeriwi kútilmekte. Sonnan, 10 mıńnan aslam jaslar Tashkent qalası hám wálayatlardaǵı joqarı oqıw orınların tamamlaydı. Búgingi miynet yarmarkası joqarı oqıw orınların pitkerip atırǵan usınday Qaraqalpaqstanlı studentlerdiń bántligin támiyinlewge, Tashkent qalası hám barlıq wálayatlardaǵı mámleketlik, sonday-aq, jeke sektordaǵı bos jumıs orınları menen jaqınnan tanısıwına keń imkaniyatlar maydanı boldı desek aljaspaǵan bolamız.