Nókiste birinshi márte dual bilimlendiriwdi shólkemlestiriwdiń áhmiyetine arnalǵan respublikalıq forum shólkemlestirildi
1219
Búgin, 28-fevral kúni Nókis qalasında Joqarı bilimlendiriw, ilim hám innovaciyalar ministrligi hám Germaniya xalıqaralıq birge islesiw jámiyeti (GIZ) menen birgelikte «Dual bilimlendiriwdi shólkemlestiriwdiń abzallıqları» atamasındaǵı respublikalıq forum bolıp ótti. Birinshi márte shólkemlestirilgen forumǵa Qaraqalpaqstan Respublikası Joqarǵı Keńesiniń komitet baslıǵı M.Atamuratov, Qaraqalpaqstan Respublikası Joqarı bilimlendiriw, ilim hám innovaciyalar ministri B.Qayıpbergenov, Germaniya xalıqaralıq birge islesiw jámiyeti (GIZ) joybar másláhátshisi Hiris Kristian, Ózbekstan Respublikası Joqarı bilimlendiriw, ilim hám innovaciyalar ministrligi Professional bilimlendiriw integraciyası basqarmasınıń baslıǵı F.Masharipov, Qaraqalpaqstan Respublikasında jumıs alıp barıp atırǵan kásiplik bilimlendiriw shólkemleri, ministrlik hám kárxanalardıń juwapkerleri qatnastı. 
Forum qatnasıwshıları dáslep kásiplik bilimlendiriw shólkemlerinde dual bilimlendiriwdi jolǵa qoyıw baǵdarında ámelge asırılıp atırǵan jumıslar hám olardıń nátiyjeleri boyınsha shólkemlestirilgen kórgizbe menen tanıstı. Ilajda sózge shıqqanlar mámleketimizde jaslardıń kásipler hám qánigeliklerdi iyelewge bolǵan qızıǵıwshılıǵın qollap-quwatlaw ushın keń imkaniyatlar jaratıw, sonıń menen birge, professional bilimlendiriw sistemasında dual bilimlendiriwdi shólkemlestiriw baǵdarında ámelge asırılıp atırǵan jumıslarǵa toqtalıp ótti. Dual bilimlendiriw – ekonomikanı rawajlandırıwda úlken áhmiyetke iye perspektivalı baǵdar esaplanıp, oqıwshı-jaslarǵa bilimlendiriwdi óz baǵdarına sáykes keletuǵın shólkemde jumıs islew menen birgelikte alıp barıw imkaniyatın beretuǵın sistema bolıp tabıladı. Bunda jaslar 2-3 kún bilimlendiriw mákemesinde teoriyalıq bilimlerdi iyelese, 3-4 kún dawamında kárxana hám shólkemlerde haqıyqıy jumıs procesinde ámeliy kónlikpelerge iye boladı. Áhmiyetlisi, dual bilimlendiriw formasında bilim alıp atırǵan oqıwshılar kárxana hám shólkemlerge jumısqa qabıllanǵan waqtında olarǵa kárxana tárepinen ustaz biriktiriledi jáne miynet haqı tólenedi. Házirgi waqıtta bul sistema Germaniya, Avstriya, Shveycariya hám Koreya Respublikası sıyaqlı mámleketlerde ekonomikalıq tarmaqlardı rawajlandırıwda ayrıqsha áhmiyetke iye bolmaqta. 
Forumda bayanatshılar respublikamızda dual bilimlendiriwdi rawajlandırıwdıń perspektivaları, bul baǵdarda Germaniya mámleketiniń tájiriybesi, dual bilimlendiriwde oqıwshı, kárxana, bilimlendiriw mákemesi hám mámlekettiń birgeliktegi jumısları haqqında maǵlıwmatlar berdi. Atap ótiw kerek, Qaraqalpaqstan Respublikasında búgingi kúnde 31 kásiplik bilimlendiriw shólkeminde 745 kárxana hám shólkem menen birgelikte dual bilimlendiriw jolǵa qoyılǵan bolıp, olarda 1716 oqıwshı kásip hám qánigelik sırların meńgermekte. Bul baǵdardaǵı nátiyjelilikti arttırıw maqsetinde aldaǵı waqıtlarda Ámiwdárya, Qaraózek, Qońırat rayonları hám Nókis qalasındaǵı texnikumlarda 10 nan aslam kásip hám qánigelik túrleri boyınsha dual bilimlendiriwdi jolǵa qoyıw, sonday-aq, bul arqalı dual bilimlendiriwge qamtıw dárejesin 3000 oqıwshıǵa, olarda úyretiletuǵın kásipler sanın 20 ǵa, birge islesetuǵın kárxana jáne shólkemlerdiń sanın 1000 ǵa jetkeriw jobalastırılǵanlıǵı atap ótildi. Forum sheńberinde kásiplik bilimlendiriw shólkemleri menen ministrlikler hám kárxanalar arasında dual bilimlendiriwdi jolǵa qoyıw baǵdarında birge islesiw boyınsha tiyisli shártnamalarǵa qol qoyıldı. Forum dual bilimlendiriwdi ámeliyatqa keńnen engiziwdiń áhmiyeti, bul baǵdarda orın alıp atırǵan mashqalalar hám olardıń sheshimleri, tarawda aldaǵı ámelge asırılatuǵın jumıslar boyınsha pikir almasıwlar hám soraw-juwaplar menen dawam etti.
Forum qatnasıwshıları dáslep kásiplik bilimlendiriw shólkemlerinde dual bilimlendiriwdi jolǵa qoyıw baǵdarında ámelge asırılıp atırǵan jumıslar hám olardıń nátiyjeleri boyınsha shólkemlestirilgen kórgizbe menen tanıstı. Ilajda sózge shıqqanlar mámleketimizde jaslardıń kásipler hám qánigeliklerdi iyelewge bolǵan qızıǵıwshılıǵın qollap-quwatlaw ushın keń imkaniyatlar jaratıw, sonıń menen birge, professional bilimlendiriw sistemasında dual bilimlendiriwdi shólkemlestiriw baǵdarında ámelge asırılıp atırǵan jumıslarǵa toqtalıp ótti. Dual bilimlendiriw – ekonomikanı rawajlandırıwda úlken áhmiyetke iye perspektivalı baǵdar esaplanıp, oqıwshı-jaslarǵa bilimlendiriwdi óz baǵdarına sáykes keletuǵın shólkemde jumıs islew menen birgelikte alıp barıw imkaniyatın beretuǵın sistema bolıp tabıladı. Bunda jaslar 2-3 kún bilimlendiriw mákemesinde teoriyalıq bilimlerdi iyelese, 3-4 kún dawamında kárxana hám shólkemlerde haqıyqıy jumıs procesinde ámeliy kónlikpelerge iye boladı. Áhmiyetlisi, dual bilimlendiriw formasında bilim alıp atırǵan oqıwshılar kárxana hám shólkemlerge jumısqa qabıllanǵan waqtında olarǵa kárxana tárepinen ustaz biriktiriledi jáne miynet haqı tólenedi. Házirgi waqıtta bul sistema Germaniya, Avstriya, Shveycariya hám Koreya Respublikası sıyaqlı mámleketlerde ekonomikalıq tarmaqlardı rawajlandırıwda ayrıqsha áhmiyetke iye bolmaqta. Forumda bayanatshılar respublikamızda dual bilimlendiriwdi rawajlandırıwdıń perspektivaları, bul baǵdarda Germaniya mámleketiniń tájiriybesi, dual bilimlendiriwde oqıwshı, kárxana, bilimlendiriw mákemesi hám mámlekettiń birgeliktegi jumısları haqqında maǵlıwmatlar berdi. Atap ótiw kerek, Qaraqalpaqstan Respublikasında búgingi kúnde 31 kásiplik bilimlendiriw shólkeminde 745 kárxana hám shólkem menen birgelikte dual bilimlendiriw jolǵa qoyılǵan bolıp, olarda 1716 oqıwshı kásip hám qánigelik sırların meńgermekte. Bul baǵdardaǵı nátiyjelilikti arttırıw maqsetinde aldaǵı waqıtlarda Ámiwdárya, Qaraózek, Qońırat rayonları hám Nókis qalasındaǵı texnikumlarda 10 nan aslam kásip hám qánigelik túrleri boyınsha dual bilimlendiriwdi jolǵa qoyıw, sonday-aq, bul arqalı dual bilimlendiriwge qamtıw dárejesin 3000 oqıwshıǵa, olarda úyretiletuǵın kásipler sanın 20 ǵa, birge islesetuǵın kárxana jáne shólkemlerdiń sanın 1000 ǵa jetkeriw jobalastırılǵanlıǵı atap ótildi. Forum sheńberinde kásiplik bilimlendiriw shólkemleri menen ministrlikler hám kárxanalar arasında dual bilimlendiriwdi jolǵa qoyıw baǵdarında birge islesiw boyınsha tiyisli shártnamalarǵa qol qoyıldı. Forum dual bilimlendiriwdi ámeliyatqa keńnen engiziwdiń áhmiyeti, bul baǵdarda orın alıp atırǵan mashqalalar hám olardıń sheshimleri, tarawda aldaǵı ámelge asırılatuǵın jumıslar boyınsha pikir almasıwlar hám soraw-juwaplar menen dawam etti.