Xalıqaralıq hayal-qızlar kúni bayramı joqarı dárejede belgilendi
1652
Búgin Nókis qalasındaǵı Aq quw kompleksinde "8-mart - Xalıqaralıq hayal-qızlar kúni" múnásibeti menen bayram saltanatı bolıp ótti. Onda dáslep Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, jıynalǵanlardı bayram múnásibeti menen qutlıqladı. Bunnan soń, bir topar hayal-qızlardı sıylıqlaw máresimi ótkerildi. 
Qaraqalpaqstan Respublikası Joqarǵı Keńesiniń Prezidiumı qararı menen elimiz ǵárezsizligin bekkemlew, onıń sociallıq-ekonomikalıq potencialın arttırıwǵa qosqan úlesleri hám jas áwladtı Watanǵa sadıqlıq, ulıwma insaniylıq qádiriyatlar ruwxında tárbiyalawdaǵı xızmetleri ushın belsendi hayal-qızlarǵa húrmetli ataqlar, «Ardaqlı nuranıy», «Ibratlı hayal», «Watan pidayısı», «Úmit ushqını» kókirek belgileri, Joqarǵı Keńestiń «Húrmet jarlıǵı» tapsırıldı. 
Sonday-aq, bir topar hayallar Ózbekstan Respublikası Shańaraq hám hayal-qızlar komitetiniń «Mwtabar ayol» kókirek nıshanı, Ministrler Keńesiniń «Húrmet jarlıǵı» menen sıylıqlandı. Bayram saltanatı kórkem-óner hám mádeniyat xızmetkerleri atqarıwındaǵı koncert baǵdarlaması menen dawam etti hám qatnasıwshılarǵa joqarı keypiyat baǵıshladı.
Qaraqalpaqstan Respublikası Joqarǵı Keńesiniń Prezidiumı qararı menen elimiz ǵárezsizligin bekkemlew, onıń sociallıq-ekonomikalıq potencialın arttırıwǵa qosqan úlesleri hám jas áwladtı Watanǵa sadıqlıq, ulıwma insaniylıq qádiriyatlar ruwxında tárbiyalawdaǵı xızmetleri ushın belsendi hayal-qızlarǵa húrmetli ataqlar, «Ardaqlı nuranıy», «Ibratlı hayal», «Watan pidayısı», «Úmit ushqını» kókirek belgileri, Joqarǵı Keńestiń «Húrmet jarlıǵı» tapsırıldı. Sonday-aq, bir topar hayallar Ózbekstan Respublikası Shańaraq hám hayal-qızlar komitetiniń «Mwtabar ayol» kókirek nıshanı, Ministrler Keńesiniń «Húrmet jarlıǵı» menen sıylıqlandı. Bayram saltanatı kórkem-óner hám mádeniyat xızmetkerleri atqarıwındaǵı koncert baǵdarlaması menen dawam etti hám qatnasıwshılarǵa joqarı keypiyat baǵıshladı.