Elimizge jańalanıw, kewillerge miyrim-shápáát hám qádir-qımbat baǵıshlaǵan bayram saltanatı bolıp ótti
1060
Ásirler dawamında qáliplesken Nawrız – bul xalqımızdıń gózzal qádiriyatların ózinde jámlep, ata-babalarımızdan biybaha miyras sıpatında qásterlep-saqlanıp kiyatırǵan milliy bayram sıpatında kewillerden tereń orın iyeleydi. Ol sońǵı jıllarda oyanıw hám jasarıw tımsalı sıpatında xalqımız asıǵıp kútetuǵın, shın mánidegi ulıwma-xalıqlıq bayramǵa aylanıp kelmekte. Ásirese, bıyılǵı jılı bul bayram Húrmetli Prezidentimiz tárepinen qabıl etilgen arnawlı Qarar tiykarında pútkil elimiz boylap «Qádiriyatlarıń máńgi bolsın, Nawrız!» súreni astında kóterińki ruwxta ótkerilmekte. 
Usı jıldıń 20-mart kúni Nókis qalasında ulıwma xalıqlıq Nawrız seyiline baǵıshlanǵan teatrlastırılǵan hám ádebiy muzıkalı xoreografiyalıq bayram tamashaları «Doslıq» kanalı boyında bolıp ótti. Bayram keshesine Qaraqalpaqstan Respublikası Joqarǵı Keńesiniń Baslıǵı Amanbay Orınbaev, Ózbekstan Respublikası Prezidentiniń keńesgóyi T.Xudaybergenov, húkimet aǵzaları, keń jámiyetshilik wakilleri qatnastı. Onda Joqarǵı Keńes Baslıǵı shıǵıp sóylep, gúllán xalqımızdı jańarıw hám jasarıw ayyyamı – Nawrız bayramı múnásibeti menen qutlıqladı. 
Bayram tamashaları paytaxtımızdaǵı «Doslıq» kanalınıń eki boyında da dawam etip atırǵan bolıp, joqarı dárejede shólkemleskenlik penen ótkerilmekte. Bul orınlarda da kórkem óner sheberleri, mádeniyat tarawı wákilleri, xalıq súygen atkarıwshılar jıynalǵanlarǵa Nawrızǵa tán kóterińki ruwx baǵıshlamaqta. Tuwısqan xalıqlardıń milliy úrp-ádet hám dástúrlerin ózinde jámlegen túrde sahnalastırılǵan kórinisler, milliy ayaq oyın hám qosıqlar atqarılıwı, xalqımızdıń milliy oyınları, baqsı hám jırawlardıń ájayıp shıǵıwları hámmege birdey unadı. Jasarıw hám jańalanıw áyyyamı-Nawrız bayramına baǵıshlanǵan seyiller respublikamızdıń barlıq orınlarında dawam etpekte. 
Usı jıldıń 20-mart kúni Nókis qalasında ulıwma xalıqlıq Nawrız seyiline baǵıshlanǵan teatrlastırılǵan hám ádebiy muzıkalı xoreografiyalıq bayram tamashaları «Doslıq» kanalı boyında bolıp ótti. Bayram keshesine Qaraqalpaqstan Respublikası Joqarǵı Keńesiniń Baslıǵı Amanbay Orınbaev, Ózbekstan Respublikası Prezidentiniń keńesgóyi T.Xudaybergenov, húkimet aǵzaları, keń jámiyetshilik wakilleri qatnastı. Onda Joqarǵı Keńes Baslıǵı shıǵıp sóylep, gúllán xalqımızdı jańarıw hám jasarıw ayyyamı – Nawrız bayramı múnásibeti menen qutlıqladı. Bayram tamashaları paytaxtımızdaǵı «Doslıq» kanalınıń eki boyında da dawam etip atırǵan bolıp, joqarı dárejede shólkemleskenlik penen ótkerilmekte. Bul orınlarda da kórkem óner sheberleri, mádeniyat tarawı wákilleri, xalıq súygen atkarıwshılar jıynalǵanlarǵa Nawrızǵa tán kóterińki ruwx baǵıshlamaqta. Tuwısqan xalıqlardıń milliy úrp-ádet hám dástúrlerin ózinde jámlegen túrde sahnalastırılǵan kórinisler, milliy ayaq oyın hám qosıqlar atqarılıwı, xalqımızdıń milliy oyınları, baqsı hám jırawlardıń ájayıp shıǵıwları hámmege birdey unadı. Jasarıw hám jańalanıw áyyyamı-Nawrız bayramına baǵıshlanǵan seyiller respublikamızdıń barlıq orınlarında dawam etpekte.