Joqarǵı Keńes Baslıǵı jańa joybar baslamashıları bolǵan isbilermenler menen ushırastı
561
Isbilermenlik jumıslardı qollap-quwatlaw hám jańa joybarlardı iske túsiriwde ushırasıp atırǵan mashqalalardı anıqlaw, olardı saplastırıw boyınsha gezektegi ushırasıw bolıp ótti. Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev húrmetli Prezidentimizdiń basshılıǵında elimizde isbilermenlikti jáne de rawajlandırıw, olar ushın barlıq qolaylı sharayatlardı jaratıw baǵdarında ámelge asırılıp atırǵan keń kólemli reformalar, Qaraqalpaqstan ushın óz aldına qabıl etilgen tariyxıy párman hám qararlar tiykarında berilgen jeńillikler haqqında keń túrde atap ótti. 
Ushırasıwda kommerciyalıq bankler qarjıları tiykarında 2025-jılda ámelge asırılıwı belgilengen aymaqlıq investiciyalıq joybarlardı iske túsiriw, jańa kárxanalar jumısların shólkemlestiriwdegi mashqalalardı saplastırıw, bar bolǵan imkaniyatlardı tolıq iske salıw sıyaqlı máseleler talqılandı. Sonday-aq, berilgen jeńilliklerden keń túrde paydalanıp, jańa jumıs orınların jaratıw hám xalıqtıń bántligin támiyinlew boyınsha pikirlesilip, isbilermenlerdiń usınısları, mashqalaları tıńlandı.
Ushırasıwda kommerciyalıq bankler qarjıları tiykarında 2025-jılda ámelge asırılıwı belgilengen aymaqlıq investiciyalıq joybarlardı iske túsiriw, jańa kárxanalar jumısların shólkemlestiriwdegi mashqalalardı saplastırıw, bar bolǵan imkaniyatlardı tolıq iske salıw sıyaqlı máseleler talqılandı. Sonday-aq, berilgen jeńilliklerden keń túrde paydalanıp, jańa jumıs orınların jaratıw hám xalıqtıń bántligin támiyinlew boyınsha pikirlesilip, isbilermenlerdiń usınısları, mashqalaları tıńlandı.