Oliy Majlis Senatınıń Baslıǵı Beruniy rayonına barıp, xalıqtıń bántligin támiyinlew boyınsha jumıslar menen tanıstı
771
Oliy Majlis Senatınıń Baslıǵı T.Narbaeva Joqarǵı Keńes Baslıǵı Amanbay Orınbaev hám Ministrler Keńesiniń Baslıǵı F.Ermanov penen birge Beruniy rayonındaǵı «Birlik» máhállesinde jasawshı baba diyqan, úlgili qıytaq jer iyesi Yuldosh Narimbetovtıń shańaraǵında miymanda boldı. Ázelden tájiriybeli diyqanlar eli bolǵan Beruniy rayonı miynetkeshleri ele qıs juwmaqlanıp úlgermesten qıytaq jerlerinde bıyılǵı máwsim ushın tayarlıqlardı baslap jibergen. 
Yuldosh Narimbetov úy aldı qıytaq jerinen jılına úsh márte ónim alıwdı jolǵa qoyǵan usınday tınıp-tınshımaytınlardan. Ol 31 sotix jerindegi ıssıxanalarında ovoщ, palız eginleriniń nállerin jetistirip, respublikamızdıń barlıq rayonlarına sonday-aq, Buxara, Xorezm wálayatlarına da jetkerip beriwdi jolǵa qoyǵan. Kútilip atırǵan nátiyjeler de miynetke jarasa - bıyıl qıytaq jerden 500 mln. sum dáramat alıw rejelestirilgen. Máwsimlik 10 jumısshınıń da bántligi támiyinlengen. Senat Baslıǵı diyqan menen jaqınnan pikirlesip, onıń napaqada bolıwına qaramastan ele miynetsúygishlik penen qıytaq jerinde jumıslardı nátiyjeli shólkemlestirgeni kópshilikke úlgi bolıwı kerekligin atap ótti. 
Bunnan soń Senat Baslıǵı «Toqımashı» máhállesindegi «RAYHON APPAREL» juwapkershiligi sheklengen jámiyeti jumısları menen jaqınnan tanıstı. Ulıwma joybar quwatlılıǵı 28,5 mlrd. sum bolǵan kárxanada jılına 5 mln. dana 15 túrdegi tayar trikotaj kiyim-kenshekler islep shıǵarıladı. Ónimler tiykarınan eksportqa baǵdarlanıp, házirgi waqıtta 500 jańa jumıs orınları jaratılǵan. Oliy Majlisi Senatınıń Baslıǵı T.Narbaeva kárxana jumısshıları, sonday-aq, bul jerde tájiriybe arttırıp atırǵan qızlar menen jaqınnan pikirlesti.
Yuldosh Narimbetov úy aldı qıytaq jerinen jılına úsh márte ónim alıwdı jolǵa qoyǵan usınday tınıp-tınshımaytınlardan. Ol 31 sotix jerindegi ıssıxanalarında ovoщ, palız eginleriniń nállerin jetistirip, respublikamızdıń barlıq rayonlarına sonday-aq, Buxara, Xorezm wálayatlarına da jetkerip beriwdi jolǵa qoyǵan. Kútilip atırǵan nátiyjeler de miynetke jarasa - bıyıl qıytaq jerden 500 mln. sum dáramat alıw rejelestirilgen. Máwsimlik 10 jumısshınıń da bántligi támiyinlengen. Senat Baslıǵı diyqan menen jaqınnan pikirlesip, onıń napaqada bolıwına qaramastan ele miynetsúygishlik penen qıytaq jerinde jumıslardı nátiyjeli shólkemlestirgeni kópshilikke úlgi bolıwı kerekligin atap ótti. Bunnan soń Senat Baslıǵı «Toqımashı» máhállesindegi «RAYHON APPAREL» juwapkershiligi sheklengen jámiyeti jumısları menen jaqınnan tanıstı. Ulıwma joybar quwatlılıǵı 28,5 mlrd. sum bolǵan kárxanada jılına 5 mln. dana 15 túrdegi tayar trikotaj kiyim-kenshekler islep shıǵarıladı. Ónimler tiykarınan eksportqa baǵdarlanıp, házirgi waqıtta 500 jańa jumıs orınları jaratılǵan. Oliy Majlisi Senatınıń Baslıǵı T.Narbaeva kárxana jumısshıları, sonday-aq, bul jerde tájiriybe arttırıp atırǵan qızlar menen jaqınnan pikirlesti.