Nókis mámleketlik pedagogikalıq institutında jańa obektler paydalanıwǵa tapsırıldı
815
Usı jıldıń 29-mart kúni Ájiniyaz atındaǵı Nókis mámleketlik pedagogikalıq institutında jańadan qurıp pitkerilgen studentler turaq jayı, sport kompleksi hám úlken sport maydanlarınıń paydalanıwǵa tapsırılıwına arnalǵan saltanatlı ilaj bolıp ótti. Ilajǵa Qaraqalpaqstan Respublikası Ministrler Keńesi Baslıǵınıń orınbasarı B.Otemuratov hám Ózbekstan Respublikası Joqarı bilimlendiriw, ilim hám innovaciyalar ministri Q.Sharipovlar qatnastı. 
Saltanatlı ilajda sózge shıqqanlar jańa obektlerdiń Nawrız ulıwma xalıqlıq bayramı hám Ramazan hayıtı qarsańında paydalanıwǵa tapsırılıwı institut jámááti ushın bayram sawǵası bolǵanlıǵın ayrıqsha atap ótti. Házirgi waqıtta institutta 16 mıńǵa shamalas studentler bilim alıp atırǵan bolıp, olardan 1700 ge shamalas jaslar studentler turaq jaylarına qamtıp alınǵan. Instituttıń jańadan qurıp pitkerilgen 3-sanlı studentler turaq jayı 500 orınǵa mólsherlengen bolıp, jaslardıń studentler turaq jayına bolǵan mútájligin qanaatlandırıwǵa xızmet etedi. Studentler turaq jayınıń qurılısı ushın instituttıń byudjetten tısqarı qarjıları esabınan 23 milliard 704 million sum qarjı ajıratıldı hám qurılıs jumısları sapalı túrde alıp barıldı. Bul jerde studentlerdiń oqıwdan bos waqıtların mazmunlı ótkeriwi ushın barlıq sharayatlar bar. Atap aytqanda, málimleme-resurs hám IT orayları, shet tillerin úyreniw hám tigiwshilik dógerekleri, shaxmat klubı, ruwxıylıq bólmeleri jaslardıń bilimleri menen qábiletlerin arttırıwǵa xızmet etiwi sózsiz. Sonıń menen birge, mayıplıǵı bolǵan studentler ushın da arnawlı bólmeler ajıratılıp, zárúr qolaylıqlar jaratılǵan. Ilaj sheńberinde instituttıń futzal, gandbol hám basketbol sport túrlerine qánigelesken zamanagóy sport kompleksiniń rámziy lentası da kesilip, paydalanıwǵa tapsırıldı. Paydalanıwǵa tapsırılǵan bul sport kompleksiniń qurılıs-rekonstrukciya jumısları ushın instituttıń byudjetten tısqarı qarjıları esabınan 4 milliard 438 million sum ajıratıldı. Saltanatlı ilaj sheńberinde instituttıń futbol, jeńil atletika hám basketbol sport túrlerine qánigelesken úlken sport maydanı da paydalanıwǵa tapsırıldı. Ulıwma 300 tamashagóy ornına iye bolǵan sport maydanı instituttıń jańa oqıw imaratı artındaǵı bos turǵan jer maydanında qurılǵan bolıp, bul jerde 6 milliard 199 million sumlıq qurılıs-ońlaw jumısları sheber qurılısshılar tárepinen alıp barıldı. Bul sport obektleri institutta sport penen turaqlı shuǵıllanatuǵın student-jaslardıń sanın bunnan bılay da arttırıwǵa xızmet etedi. Ilaj qatnasıwshıları paydalanıwǵa tapsırılǵan jańa obektlerde jaratılǵan sharayatlar hám imkaniyatlar menen tanıstı.
Saltanatlı ilajda sózge shıqqanlar jańa obektlerdiń Nawrız ulıwma xalıqlıq bayramı hám Ramazan hayıtı qarsańında paydalanıwǵa tapsırılıwı institut jámááti ushın bayram sawǵası bolǵanlıǵın ayrıqsha atap ótti. Házirgi waqıtta institutta 16 mıńǵa shamalas studentler bilim alıp atırǵan bolıp, olardan 1700 ge shamalas jaslar studentler turaq jaylarına qamtıp alınǵan. Instituttıń jańadan qurıp pitkerilgen 3-sanlı studentler turaq jayı 500 orınǵa mólsherlengen bolıp, jaslardıń studentler turaq jayına bolǵan mútájligin qanaatlandırıwǵa xızmet etedi. Studentler turaq jayınıń qurılısı ushın instituttıń byudjetten tısqarı qarjıları esabınan 23 milliard 704 million sum qarjı ajıratıldı hám qurılıs jumısları sapalı túrde alıp barıldı. Bul jerde studentlerdiń oqıwdan bos waqıtların mazmunlı ótkeriwi ushın barlıq sharayatlar bar. Atap aytqanda, málimleme-resurs hám IT orayları, shet tillerin úyreniw hám tigiwshilik dógerekleri, shaxmat klubı, ruwxıylıq bólmeleri jaslardıń bilimleri menen qábiletlerin arttırıwǵa xızmet etiwi sózsiz. Sonıń menen birge, mayıplıǵı bolǵan studentler ushın da arnawlı bólmeler ajıratılıp, zárúr qolaylıqlar jaratılǵan. Ilaj sheńberinde instituttıń futzal, gandbol hám basketbol sport túrlerine qánigelesken zamanagóy sport kompleksiniń rámziy lentası da kesilip, paydalanıwǵa tapsırıldı. Paydalanıwǵa tapsırılǵan bul sport kompleksiniń qurılıs-rekonstrukciya jumısları ushın instituttıń byudjetten tısqarı qarjıları esabınan 4 milliard 438 million sum ajıratıldı. Saltanatlı ilaj sheńberinde instituttıń futbol, jeńil atletika hám basketbol sport túrlerine qánigelesken úlken sport maydanı da paydalanıwǵa tapsırıldı. Ulıwma 300 tamashagóy ornına iye bolǵan sport maydanı instituttıń jańa oqıw imaratı artındaǵı bos turǵan jer maydanında qurılǵan bolıp, bul jerde 6 milliard 199 million sumlıq qurılıs-ońlaw jumısları sheber qurılısshılar tárepinen alıp barıldı. Bul sport obektleri institutta sport penen turaqlı shuǵıllanatuǵın student-jaslardıń sanın bunnan bılay da arttırıwǵa xızmet etedi. Ilaj qatnasıwshıları paydalanıwǵa tapsırılǵan jańa obektlerde jaratılǵan sharayatlar hám imkaniyatlar menen tanıstı.