Samsung kompaniyası wákilleri menen sóylesiwler alıp barıldı

Qaraqalpaqstan delegaciyasınıń Koreya mámleketine saparı dawamında Samsung kompaniyasınıń biznesti rawajlandırıw boyınsha atqarıwshı direktorı Nam Hun Yun menen ushırasıw ótkerildi. Onda dáslep Qaraqalpaqstannıń investiciyalıq potencialı, húrmetli Prezidentimiz tárepinen isbilermenlikti rawajlandırıw hám investiciyalıq tartımlılıqtı arttırıw boyınsha regionǵa berilgen ayrıqsha jeńillikler haqqında keń túrde maǵlıwmat berildi. Ushırasıwda sonday-aq, Qaraqalpaqstan Respublikasında paydalanıwdan shıqqan suwlardı qayta islew, bunda mámleketlik-jeke sheriklik tiykarında birge islesiwdi jolǵa qoyıw, suw resurslarınan aqılǵa uǵras paydalanıwda nátiyjeli basqarıwdı alıp barıw, ishimlik suw hám kanalizaciya tarmaqların modernizaciyalaw boyınsha sóylesiwler alıp barıldı. Bunnan soń eki tárepleme birge islesiwdi jolǵa qoyıw hám Qaraqalpaqstannıń bir aymaǵında ishimlik suw,ı kanalizaciya tarmaqların modernizaciyalaw boyınsha kelisimge erisildi.