Qaraqalpaqstan medicina institutında Qaraqalpaqstan Respublikası Konstituciyasınıń 32 jıllıǵına arnalǵan ilaj bolıp ótti
1017
Búgin, 3-aprel kúni Qaraqalpaqstan medicina institutında Qaraqalpaqstan Respublikası Konstituciyasınıń 32 jıllıǵına arnalǵan saltanatlı ilaj shólkemlestirildi. Ilajǵa Qaraqalpaqstan Respublikası Joqarǵı Keńesiniń Sud-huqıq hám korrupciyaǵa qarsı gúresiw máseleleri komitetiniń baslıǵı A.Atajanov, Qaraqalpaqstan Respublikası Hákimshilik sudınıń baslıǵı A.Nurlepesov, Qaraqalpaqstan Respublikası Prokuraturası bólim baslıǵı A.Ergunusovlar qatnastı. 
Dáslep Ózbekstan hám Qaraqalpaqstan Respublikalarınıń mámleketlik gimnleri jańladı. Ilaj dawamında Konstituciyanıń mámlekettiń rawajlanıwı, xalıqtıń abadanlıǵı hám demokratiyalıq huqıqıy sistemanı bekkemlewdegi ornı ayrıqsha atap ótildi. Qaraqalpaqstan Respublikası Joqarǵı Keńesiniń komitet baslıǵı A.Atajanov óziniń shıǵıp sóylegen sózinde Konstituciyada belgilengen normalardıń jámiyetimizdegi áhmiyeti haqqında keń túrde atap ótti. 
Konstituciyada insan huqıqları menen erkinlikleriniń kepillikleri, sonday-aq, olar tiykarında islep shıǵılıp atırǵan normativlik-huqıqıy hújjetler haqqında keń túrde maǵlıwmat berildi. Ilaj sońında qatnasıwshılar jıynalǵanlardı Qaraqalpaqstan Respublikası Konstituciyası qabıl etilgeniniń 32 jıllıǵı menen qutlıqlap, mámlekette nızam ústinligin támiyinlew baǵdarında ámelge asırılıp atırǵan jumıslar boyınsha pikirlesildi.
Dáslep Ózbekstan hám Qaraqalpaqstan Respublikalarınıń mámleketlik gimnleri jańladı. Ilaj dawamında Konstituciyanıń mámlekettiń rawajlanıwı, xalıqtıń abadanlıǵı hám demokratiyalıq huqıqıy sistemanı bekkemlewdegi ornı ayrıqsha atap ótildi. Qaraqalpaqstan Respublikası Joqarǵı Keńesiniń komitet baslıǵı A.Atajanov óziniń shıǵıp sóylegen sózinde Konstituciyada belgilengen normalardıń jámiyetimizdegi áhmiyeti haqqında keń túrde atap ótti. Konstituciyada insan huqıqları menen erkinlikleriniń kepillikleri, sonday-aq, olar tiykarında islep shıǵılıp atırǵan normativlik-huqıqıy hújjetler haqqında keń túrde maǵlıwmat berildi. Ilaj sońında qatnasıwshılar jıynalǵanlardı Qaraqalpaqstan Respublikası Konstituciyası qabıl etilgeniniń 32 jıllıǵı menen qutlıqlap, mámlekette nızam ústinligin támiyinlew baǵdarında ámelge asırılıp atırǵan jumıslar boyınsha pikirlesildi.