Koreya xalıqaralıq birge islesiw agentligi menen sóylesiwler alıp barıldı
997
Koreya mámleketine xızmet saparınıń keyingi kúninde Qaraqalpaqstan delegaciyası Koreya xalıqaralıq birge islesiw agentligi (KOICA) wákilleri menen de sóylesiwler alıp bardı. Qaraqalpaqstan Respublikası Joqarǵı Keńesiniń komitet baslıǵı M.Atamuratov Aral teńizi apatshılıǵı aqıbetlerin jumsartıw, Aralboyı regionı xalqı salamatlıǵın bekkemlew, sonday-aq, Qaraqalpaqstanda birgelikte joybarlardı ámelge asırıw hám joqarı bilimlendiriwde birge islesiw boyınsha KOICA menen jaqın sheriklik múnásibetleri ornatılǵanlıǵın atap ótti. Onda KOICA menen ornatılǵan baylanıslardı ele de bekkemlew, Qaraqalpaqstanda IT tarawın rawajlandırıw, joqarı oqıw orınları menen birge til úyreniw orayların shólkemlestiriw, alternativ energiya dereklerinen paydalanıwdı en jaydırıw boyınsha sóylesiwler alıp barıldı. Atap ótiw orınlı, Koreya xalıqaralıq birge islesiw agentligi (KOICA) menen eki tárepleme birge islesiwdi keńeytiw máselesinde Qaraqalpaqstanda qorshaǵan ortalıqtı qorǵaw hám IT tarawın rawajlandırıw baǵdarında grant qarjıları tiykarında 2026-2032-jıllarda jańa joybarlar ámelge asırılıwı kútilmekte.