Bas nızamdı jaqsı biliw hám oǵan ámel etiw maqsetke muwapıq
945
9-aprel – Qaraqalpaqstan Respublikası Konstituciyası qabıl etilgen kún Ózbekstan mámleketlik denetárbiyası hám sport universiteti Nókis filialında 9-aprel – Qaraqalpaqstan Respublikası Konstituciyası qabıl etilgenliginiń 32 jıllıǵı múnásibeti menen saltanatlı ilaj bolıp ótti. Saltanatlı ilaj Ózbekstan hám Qaraqalpaqstan Respublikalarınıń mámleketlik gimnleri menen baslandı. Ilajǵa Qaraqalpaqstan Respublikası Joqarǵı Keńesiniń komitet baslıǵı Sh.Ótemisov, prokuratura hám sud uyımlarınan juwapker basshılar, filialdıń professor-oqıtıwshıları hám student-jaslar qatnastı. 
Ilajdı filial direktorınıń oqıw isleri boyınsha orınbasarı B.Utemuratov alıp bardı. Qaraqalpaqstan Respublikası Joqarǵı Keńesiniń komitet baslıǵı Sh.Ótemisov shıǵıp sóylep, ilaj qatnasıwshıların Qaraqalpaqstan Respublikası Konstituciyası qabıl etilgenliginiń 32 jıllıǵı menen qızǵın qutlıqlap, xalıqtıń abadanlıǵın támiyinlewde – Konstituciyanıń ornı hám áhmiyeti joqarı ekenligine ayrıqsha toqtap ótti. Shıǵıp sóylewshilerdiń bayanatlarında atap ótilgenindey, Konstituciya mámlekettiń tiykarǵı nızamı. Mámlekettiń keleshegi usı hújjette óz sáwleleniwin tapqan. Búgingi kúnde elimizde júz berip atırǵan jańalanıwlar, demokratiyalıq huqıqıy mámleket qurıw, ádil puqaralıq jámiyetin qáliplestiriw jolında erisip atırǵan jetiskenliklerdiń barlıǵı Konstituciyada kórsetilgen tiykarǵı principlerdiń turmısqa tolıq engiziliwi menen baylanıslı. Ilajda hár bir puqara, ásirese, jaslarımız Bas nızamımızda kórsetilgen hár bir statyanı jaqsı biliwi hám oǵan ámel etiwi, elimizdiń keleshegi ushın bar kúshin jumsap háreket etiwi, rawajlanıw jolındaǵı ullı maqsetlerge muwapıq ekenligi ayrıqsha atap ótilip, pikir-usınıslar bildirildi.
Ilajdı filial direktorınıń oqıw isleri boyınsha orınbasarı B.Utemuratov alıp bardı. Qaraqalpaqstan Respublikası Joqarǵı Keńesiniń komitet baslıǵı Sh.Ótemisov shıǵıp sóylep, ilaj qatnasıwshıların Qaraqalpaqstan Respublikası Konstituciyası qabıl etilgenliginiń 32 jıllıǵı menen qızǵın qutlıqlap, xalıqtıń abadanlıǵın támiyinlewde – Konstituciyanıń ornı hám áhmiyeti joqarı ekenligine ayrıqsha toqtap ótti. Shıǵıp sóylewshilerdiń bayanatlarında atap ótilgenindey, Konstituciya mámlekettiń tiykarǵı nızamı. Mámlekettiń keleshegi usı hújjette óz sáwleleniwin tapqan. Búgingi kúnde elimizde júz berip atırǵan jańalanıwlar, demokratiyalıq huqıqıy mámleket qurıw, ádil puqaralıq jámiyetin qáliplestiriw jolında erisip atırǵan jetiskenliklerdiń barlıǵı Konstituciyada kórsetilgen tiykarǵı principlerdiń turmısqa tolıq engiziliwi menen baylanıslı. Ilajda hár bir puqara, ásirese, jaslarımız Bas nızamımızda kórsetilgen hár bir statyanı jaqsı biliwi hám oǵan ámel etiwi, elimizdiń keleshegi ushın bar kúshin jumsap háreket etiwi, rawajlanıw jolındaǵı ullı maqsetlerge muwapıq ekenligi ayrıqsha atap ótilip, pikir-usınıslar bildirildi.