Koreyanıń Seul qalasında «Koreya-Ózbekstan (Qaraqalpaqstan) birge islesiwin rawajlandırıw orayı ashıldı
956
Sońǵı jılları húrmetli Prezidentimiz basshılıǵında xalıqaralıq birge islesiwlerdi rawajlandırıw boyınsha oǵada kólemli ilajlar ámelge asırılmaqta. Usı tiykarda bir qatar sırt mámleketler, sonnan, Koreya mámleketi menen de jaqın sheriklik múnásibetleri ornatılıp, qatnasıqlar bekkemlenip barmaqta. Joqarǵı Keńestiń komitet baslıǵı M.Atamuratov basshılıǵındaǵı Qaraqalpaqstan delegaciyasınıń usı mámleketke saparı dawamında Koreyanıń Seul qalasında «Koreya-Ózbekstan (Qaraqalpaqstan) birge islesiwin rawajlandırıw orayınıń ashılıw máresimi ótkerildi. Onda Ózbekstannıń Koreyadaǵı elshisi A.Abdusalomov, People and Dream fondı basshıları, Koreya-Ózbekstan jaqın sheriklik múnásibetleri sheńberinde mámleketimizdiń regionları hám isbilermenleri menen birge islesiwdi jolǵa qoyǵan iri kompaniya wákilleri, oqıw orınları professorları, mámleketlik uyımlar wákilleri qatnastı. 
Bul ilaj eki mámleket arasında ótken jıl aqırınan beri ótkerilgen ámeliy másláhátlesiwler hám birge islesiw kelisimleri nátiyjesi bolıp, Koreya hám Ózbekstan arasındaǵı turaqlı birge islesiwde jańa burılıs noqatına tiykar jarattı. Ashılıw máresiminde oraydıń basshısı Li Seok Xenge Qaraqalpaqstan Respublikasınan tayınlanǵan rásmiy xat tapsırılıp, Qaraqalpaqstan Respublikası hám "Xalıq" fondı arasında oraydıń jumısı haqqında isbilermenlik shártnamasına qol qoyıldı. Ilajda oraydıń biznes-rejesi hám onı ámelge asırıw strategiyasınıń prezentaciyası boyınsha da qızǵın dodalawlar bolıp ótti. Elshi Alisher Abdusalomov: "Qaraqalpaqstan Respublikası Ózbekstan ushın oǵada áhmiyetli region bolıp tabıladı hám usı birge islesiw hám rawajlanıw orayınıń ashılıwı eki mámleket arasında óz-ara túsinisiw hám abadanlıqqa alıp keletuǵınına úmit etemen," - dedi hám elshixana birge islesiw orayınıń jumısın belsene qollap-quwatlaytuǵının qosımsha etti. 
Atap ótiw orınlı, jańadan shólkemlestirilgen bul oray birgelikte biznes-rejelerdi ámelge asırıw, ekonomikalıq hám investiciyalıq birge islesiwlerdi jolǵa qoyıw, joqarı bilimlendiriwde óz-ara tájiriybe almasıw hám jańa jumıs orınları máseleleri boyınsha jaqın sheriklik múnásibetlerin kúsheytiwge xızmet etedi.
Bul ilaj eki mámleket arasında ótken jıl aqırınan beri ótkerilgen ámeliy másláhátlesiwler hám birge islesiw kelisimleri nátiyjesi bolıp, Koreya hám Ózbekstan arasındaǵı turaqlı birge islesiwde jańa burılıs noqatına tiykar jarattı. Ashılıw máresiminde oraydıń basshısı Li Seok Xenge Qaraqalpaqstan Respublikasınan tayınlanǵan rásmiy xat tapsırılıp, Qaraqalpaqstan Respublikası hám "Xalıq" fondı arasında oraydıń jumısı haqqında isbilermenlik shártnamasına qol qoyıldı. Ilajda oraydıń biznes-rejesi hám onı ámelge asırıw strategiyasınıń prezentaciyası boyınsha da qızǵın dodalawlar bolıp ótti. Elshi Alisher Abdusalomov: "Qaraqalpaqstan Respublikası Ózbekstan ushın oǵada áhmiyetli region bolıp tabıladı hám usı birge islesiw hám rawajlanıw orayınıń ashılıwı eki mámleket arasında óz-ara túsinisiw hám abadanlıqqa alıp keletuǵınına úmit etemen," - dedi hám elshixana birge islesiw orayınıń jumısın belsene qollap-quwatlaytuǵının qosımsha etti. Atap ótiw orınlı, jańadan shólkemlestirilgen bul oray birgelikte biznes-rejelerdi ámelge asırıw, ekonomikalıq hám investiciyalıq birge islesiwlerdi jolǵa qoyıw, joqarı bilimlendiriwde óz-ara tájiriybe almasıw hám jańa jumıs orınları máseleleri boyınsha jaqın sheriklik múnásibetlerin kúsheytiwge xızmet etedi.