Qaraqalpaqstan Respublikası Joqarǵı Keńesiniń Baslıǵı Amanbay Orınbaev sport tarawı wákilleri menen ushırastı
1290
Ushırasıwda respublikamız aymaǵındaǵı sport federaciyaları wákilleri, sport mektepleri basshıları hám basqa da taraw juwapkerleri qatnastı. Onda búgingi kúnde tarawda, sonıń ishinde sport mekteplerinde sportshı jaslardı tayarlawda ámelge asırılıp atırǵan ilajlar hám aldaǵı wazıypalar haqqındaǵı máseleler sóz etildi. 
Ótkerilgen ushırasıwda sońǵı jılları elimizde húrmetli Prezidentimiz tárepinen qaratılıp atırǵan ayrıqsha itibar hám kórsetilip atırǵan ǵamxorlıqlar nátiyjesinde tarawda joqarı nátiyjelerge erisip atırǵan jaslardıń sanı artıp, elimiz bayraǵın dúnyaǵa tanıtatuǵın jaslardıń kóbeyip atırǵanlıǵı atap ótildi. Sonıń menen birge, jaratılıp berilip atırǵan usınshama imkaniyatlarǵa qaramay, ayırım orınlarda artta qalıwshılıq jaǵdayları ushırasıp atırǵanlıǵı da sınǵa alındı. Atap aytqanda, jaslardı ǵalabalıq sportqa keńnen tartıw, “Bes baslama” bellesiwlerinde jeńimpazlar sanın arttırıw, Ózbekstan hám Qaraqalpaqstan chempionatları, sonday-aq, Aziya hám Jáhán chempionatları, Olimpiya hám Paralimpiya jeńimpazların jetilistirip shıǵarıw, trenerlerdiń mamanlıǵın arttırıw, bar bolǵan sport zallarınan nátiyjeli paydalanıw hám basqa da baǵdarlarda bir qatar qáte-kemshilikler hám artta qalıwshılıqlar sınǵa alındı. 
Sonday-aq, sport jónelisleri boyınsha jaslarımızdıń xalıqaralıq jarıslarda erisip atırǵan nátiyjelerin ele de joqarılatıw, dúnya tán alǵan sportshılardı jetilistirip shıǵarıw ushın jáne qanday ilajlardı ámelge asırıw boyınsha taraw wákilleriniń pikir-usınısları tıńlandı. Ilaj dawamında sport gúresleri boyınsha ótkerilgen Aziya chempionatında joqarı nátiyjelerge eriskeni ushın Jalǵasbay Berdimuratov hám Shaxzada Allaniyazovaǵa Joqarǵı Keńestiń «Húrmet jarlıǵı» tapsırıldı.
Ótkerilgen ushırasıwda sońǵı jılları elimizde húrmetli Prezidentimiz tárepinen qaratılıp atırǵan ayrıqsha itibar hám kórsetilip atırǵan ǵamxorlıqlar nátiyjesinde tarawda joqarı nátiyjelerge erisip atırǵan jaslardıń sanı artıp, elimiz bayraǵın dúnyaǵa tanıtatuǵın jaslardıń kóbeyip atırǵanlıǵı atap ótildi. Sonıń menen birge, jaratılıp berilip atırǵan usınshama imkaniyatlarǵa qaramay, ayırım orınlarda artta qalıwshılıq jaǵdayları ushırasıp atırǵanlıǵı da sınǵa alındı. Atap aytqanda, jaslardı ǵalabalıq sportqa keńnen tartıw, “Bes baslama” bellesiwlerinde jeńimpazlar sanın arttırıw, Ózbekstan hám Qaraqalpaqstan chempionatları, sonday-aq, Aziya hám Jáhán chempionatları, Olimpiya hám Paralimpiya jeńimpazların jetilistirip shıǵarıw, trenerlerdiń mamanlıǵın arttırıw, bar bolǵan sport zallarınan nátiyjeli paydalanıw hám basqa da baǵdarlarda bir qatar qáte-kemshilikler hám artta qalıwshılıqlar sınǵa alındı. Sonday-aq, sport jónelisleri boyınsha jaslarımızdıń xalıqaralıq jarıslarda erisip atırǵan nátiyjelerin ele de joqarılatıw, dúnya tán alǵan sportshılardı jetilistirip shıǵarıw ushın jáne qanday ilajlardı ámelge asırıw boyınsha taraw wákilleriniń pikir-usınısları tıńlandı. Ilaj dawamında sport gúresleri boyınsha ótkerilgen Aziya chempionatında joqarı nátiyjelerge eriskeni ushın Jalǵasbay Berdimuratov hám Shaxzada Allaniyazovaǵa Joqarǵı Keńestiń «Húrmet jarlıǵı» tapsırıldı.