BMShniń Ózbekstan Respublikasındaǵı turaqlı koordinatorı menen ushırasıw ótkerildi
1015
Qaraqalpaqstan Respublikası Joqarǵı Keńesiniń Baslıǵı Amanbay Orınbaev BMShniń Ózbekstan Respublikasındaǵı turaqlı koordinatorı Sabina Maxl menen ushırastı. Onda dáslep Joqarǵı Keńes Baslıǵı sońǵı jılları elimizde húrmetli Prezidentimizdiń Qaraqalpaqstanǵa bolǵan ayrıqsha itibarı menen qabıl etilgen qarar hám pármanlar tiykarında ámelge asırılıp atırǵan keń kólemli dóretiwshilik jumısları haqqında atap ótti. Sonday-aq, Birlesken milletler shólkemi menen birgelikte ámelge asırılıp atırǵan jumıslar, turizmdi rawajlandırıw baǵdarında birge islesiw, mádeniy miyras obektlerine itibardı kúsheytiw, olardı qorǵaw hám saqlaw, ótmishten saza beriwshi tariyxıy estelikler, bir neshe ásirlik mádeniyatımız hám milliyligimizdiń ájayip dúrdanaların qásterlew, olardıń YuNESKO miyrasları qatarına kirgiziliwin támiyinlew, ilim-pán, mádeniyat baǵdarlarında birge islesiwlerdi keńeytiw máseleleri sóz etildi. 
Sonıń menen birge, milliy miyraslarımız bolǵan atqarıwshılıq ѳneriniń eń saylandı úlgileri esaplanǵan baqsıshılıq, jırawshılıq, qıssaxanlıq, opera ѳnerleri bizde keń rawajlanǵanlıǵı, sońǵı jılları muzıkalıq miyraslarımız bolǵan qobız hám jırawshılıq dástúrlerin qorǵawǵa hámde jırawshılıq ónerin ele de rawajlandırıwǵa joqarı itibar qaratılıp atırǵanı ayrıqsha tilge alındı. Atap ótiw orınlı, húrmetli Prezidentimizdiń ayrıqsha tapsırması menen milliy Qara úydi YuNESKOnıń materiallıq emes mádeniy miyraslarınıń dizimine, Qobız saz ásbabın bolsa YuNESKOnıń qorǵaw dizimine kirgiziw boyınsha jumıslar alıp barılmaqta. Atap aytqanda, ámeliy jumıslar sheńberinde Qaraqalpaqstannıń mádeniy miyrasın qásterlew hám keleshek áwladlar ushın saqlap qalıw maqsetinde YuNESKO xalıqaralıq shólkemi tárepinen Qobız saz áspabı hámde jırawshılıq miyrası haqqında hújjetli film tayarlandı. Ushırasıw juwmaǵında Joqarǵı Keńes Baslıǵı birge islesiwdi ele de keńeytiw baǵdarında respublika basshıları barqulla tayar ekenligi hám hár qanday usınıs qollap-quwatlanatuǵınlıǵın atap ótti.
Sonıń menen birge, milliy miyraslarımız bolǵan atqarıwshılıq ѳneriniń eń saylandı úlgileri esaplanǵan baqsıshılıq, jırawshılıq, qıssaxanlıq, opera ѳnerleri bizde keń rawajlanǵanlıǵı, sońǵı jılları muzıkalıq miyraslarımız bolǵan qobız hám jırawshılıq dástúrlerin qorǵawǵa hámde jırawshılıq ónerin ele de rawajlandırıwǵa joqarı itibar qaratılıp atırǵanı ayrıqsha tilge alındı. Atap ótiw orınlı, húrmetli Prezidentimizdiń ayrıqsha tapsırması menen milliy Qara úydi YuNESKOnıń materiallıq emes mádeniy miyraslarınıń dizimine, Qobız saz ásbabın bolsa YuNESKOnıń qorǵaw dizimine kirgiziw boyınsha jumıslar alıp barılmaqta. Atap aytqanda, ámeliy jumıslar sheńberinde Qaraqalpaqstannıń mádeniy miyrasın qásterlew hám keleshek áwladlar ushın saqlap qalıw maqsetinde YuNESKO xalıqaralıq shólkemi tárepinen Qobız saz áspabı hámde jırawshılıq miyrası haqqında hújjetli film tayarlandı. Ushırasıw juwmaǵında Joqarǵı Keńes Baslıǵı birge islesiwdi ele de keńeytiw baǵdarında respublika basshıları barqulla tayar ekenligi hám hár qanday usınıs qollap-quwatlanatuǵınlıǵın atap ótti.