Huquqbuzarlıq hám jınayatshılıqtıń aldın alıw máseleleri keń túrde talqılandı
1239
Qaraqalpaqstan Respublikası Ministrler Keńesinde Qaraqalpaqstan Respublikası Joqarǵı Keńesiniń Baslıǵı Amanbay Orınbaev basshılıǵında, Ózbekstan Respublikası Bas prokurorınıń orınbasarı B.Valiev qatnasıwında Prezidentimizdiń 03.01.2025 jıldaǵı PQ-1-sanlı qararınıń orınlanıwı hám kriminogen jaǵdaydı analizlew, turaqlılıǵın támiyinlew boyınsha videoselektor májilisi bolıp ótti. Májiliste, Qaraqalpaqstan Respublikası Ministrler Keńesiniń Baslıǵı F.Ermanov, Qaraqalpaqstan Respublikası prokurorı E.Tadjiev, Qaraqalpaqstan Respublikası Ishki isler ministri B.Torebekov hám olardıń juwapker orınbasarları, qarardıń orınlanıwına juwapker bolǵan Qaraqalpaqstan Respublikasınıń ministrlikleri hám uyımlarınıń basshıları, juwapker xızmetkerleri jáne aymaqlıq shtab hám jumısshı topardıń aǵzaları qatnastı. 
Májiliste máhállelerde tınıshlıqtı saqlaw, jámiyetlik qáwipsizlikti hám puqaralardıń tınıshlıǵın támiyinlew, jaslar, hayal-qızlar arasında jınayatshılıqtı boldırmaw, mámleketlik basqarıw uyımlarında túrli nızambuzıwshılıq hám korrupciyalıq jaǵdaylar, máhállelerdegi sociallıq profilaktikalıq ilajlardıń alıp barılıwı máseleleri keń túrde talqılandı. Orınlarda jol qoyılıp atırǵan qáte-kemshilikler kórsetip ótilip, ayırım basshılardıń óz wazıypasına nemquraylıq penen qarap atırǵanı sınǵa alındı. Bunnan soń ámelge asırılıwı tiyis ilajlar hám wazıypalar belgilep alındı.
Májiliste máhállelerde tınıshlıqtı saqlaw, jámiyetlik qáwipsizlikti hám puqaralardıń tınıshlıǵın támiyinlew, jaslar, hayal-qızlar arasında jınayatshılıqtı boldırmaw, mámleketlik basqarıw uyımlarında túrli nızambuzıwshılıq hám korrupciyalıq jaǵdaylar, máhállelerdegi sociallıq profilaktikalıq ilajlardıń alıp barılıwı máseleleri keń túrde talqılandı. Orınlarda jol qoyılıp atırǵan qáte-kemshilikler kórsetip ótilip, ayırım basshılardıń óz wazıypasına nemquraylıq penen qarap atırǵanı sınǵa alındı. Bunnan soń ámelge asırılıwı tiyis ilajlar hám wazıypalar belgilep alındı.