YuNESKO tárepinen tayarlanǵan qobız saz ásbabı hámde jırawshılıq óneri haqqındaǵı hújjetli filmniń prezentaciyası ótkerildi
1346
Húrmetli Prezidentimiz tárepinen qaraqalpaq milliy saz ásbabı bolǵan qobızdı hám jırawshılıq ónerin YuNESKOnıń Dúnyajúzlik mádeniy miyrasları dizimine kirgiziw boyınsha tapsırma berilgen edi. Búgingi kúnde usı berilgen tapsırmanıń orınlanıwın támiyinlew boyınsha ámeliy ilajlar dawam etpekte. Bunday jumıslar sheńberinde Qaraqalpaqstannıń mádeniy miyrasın qásterlew hám keleshek áwladlar ushın saqlap qalıw maqsetinde YuNESKO xalıqaralıq shólkemi tárepinen Qobız saz áspabı hámde jırawshılıq miyrası haqqında hújjetli film tayarlanıp, Qaraqalpaqstan kórkem óner sarayında filmniń prezentaciyası ótkerildi. 
Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, filmniń prezentaciyası xalqımızǵa usınılıp atırǵanı múnásibeti menen jıynalǵanlardı qutlıqladı. Bunnan soń, BMShniń Ózbekstan Respublikasındaǵı turaqlı koordinatorı Sabina Maxl sózge shıqtı. Atap ótilgenindey, sońǵı jılları elimizde húrmetli Prezidentimiz tárepinen barlıq tarawlar qatarında xalqımızdıń bay mádeniyatınıń biri bolǵan baqsıshılıq hám jırawshılıq ónerin bunnan bılay da rawajlandırıwǵa, onıń milliy mádeniyatımız benen kórkem ónerimizdegi ornın hámde áhmiyetin arttırıwǵa ayrıqsha itibar qaratılıp, bul baǵdarda keń kólemli iygilikli jumıslar ámelge asırılmaqta. 
Usınday iygilikli islerdiń dawamı sıpatında «Áwladlar sazası: Qobız hám Jıraw» hújjetli filmi xalqımız názerine usılımaqta. Álbette, bul film milliy miyraslarımızdı dúnya keń jámiyetshiligine jáne de keńirek tanıstırıwda hám úgit-násiyatlawda ayrıqsha orın iyeleydi.
Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, filmniń prezentaciyası xalqımızǵa usınılıp atırǵanı múnásibeti menen jıynalǵanlardı qutlıqladı. Bunnan soń, BMShniń Ózbekstan Respublikasındaǵı turaqlı koordinatorı Sabina Maxl sózge shıqtı. Atap ótilgenindey, sońǵı jılları elimizde húrmetli Prezidentimiz tárepinen barlıq tarawlar qatarında xalqımızdıń bay mádeniyatınıń biri bolǵan baqsıshılıq hám jırawshılıq ónerin bunnan bılay da rawajlandırıwǵa, onıń milliy mádeniyatımız benen kórkem ónerimizdegi ornın hámde áhmiyetin arttırıwǵa ayrıqsha itibar qaratılıp, bul baǵdarda keń kólemli iygilikli jumıslar ámelge asırılmaqta. Usınday iygilikli islerdiń dawamı sıpatında «Áwladlar sazası: Qobız hám Jıraw» hújjetli filmi xalqımız názerine usılımaqta. Álbette, bul film milliy miyraslarımızdı dúnya keń jámiyetshiligine jáne de keńirek tanıstırıwda hám úgit-násiyatlawda ayrıqsha orın iyeleydi.