Moynaq rayonında ishimlik suwı támiynatı jaqsılanbaqta
483
Húrmetli Prezidentimizdiń 4271-sanlı qararına tiykar, Aziya rawajlanıw bankiniń qatnasıwında «Ózbekstannıń batıs bóleginde ishimlik suwı támiynatı sistemaların rawajlandırıw» joybarınıń ámelge asırılıwı belgilengen. Bunıń ushın 8,2 mln AQSh dolları muǵdarındaǵı qarjı ajıratılǵan bolıp, búgingi kúnde «Archico» JShJ (Ázerbayjan) kompaniyası tárepinen Moynaq rayonında ishimlik suwı támiynatın jaqsılawǵa qaratılǵan qurılıs jumısları alıp barılmaqta. Joybar sheńberinde 5 suw bólistiriw imaratı, 128,1 km suw tarmaǵın qurıw hám rekonstrukciyalaw názerde tutılǵan. Házirgi waqıtta 25,2 km suw tarmaqları tartılıp, qurılıs jumısları dawam etpekte. Reje tolıq orınlanıwı nátiyjesinde rayonnıń ishimlik suwı menen támiyinlengenlik dárejesi arttırıladı.