Ózbasımshalıq penen iyelengen jer uchastkalarına hám onda qurılǵan imaratlarǵa huqıqlardı tán alıw baslandı
520
Húrmetli Prezidentimizdiń tapsırmasına tiykar «Ózbasımshalıq penen iyelep alınǵan jer uchastkalarına hám de olarda qurılǵan imaratlar hám qurılmalarǵa bolǵan huqıqlardı tán alıw haqqında»ǵı Nızam qabıl etilgen edi. Nızam menen puqaralar hám isbilermenlerdiń múlkke bolǵan huqıqları tán alınadı, puqaralar arasındaǵı múlkshilik, sonday-aq, miyraslar menen baylanıslı dawlarǵa sheshim tabıladı. Bunnan tısqarı, xalıqtıń sociallıq máseleleri (turaqlı dizimge qoyıw, materiallıq járdem alıw, mektep, baqshaǵa jaylastırıw) hám de imarat hám obektlerdi kommunal tarmaqlarǵa jalǵaw boyınsha máseleleri sheshiledi. Nızam talaplarınıń orınlanıwın támiyinlew maqsetinde elimizdiń barlıq aymaqlarında Mámleketlik kadastrlar palatasınıń qánigeleri tárepinen máhállelerde xatlaw jumısları alıp barılmaqta. Xatlaw nátiyjelerine muwapıq hár bir obekt haqqında maǵlıwmatlar hám komissiya juwmaqları etirof.kadastr.uz sistemasına kirgizilip barılmaqta. 2025-jıl 18-aprel kúngi maǵlıwmatqa bola, Qaraqalpaqstan Respublikasında 80 máhellede 19 349 turaq jay hám turaq jay emes obektler xatlawdan ótkerilip, 7 854 obekt avtomatlastırılǵan málimleme sistemasına kirgizildi. Sonnan, 5375 obekt komissiyada hám 2479 obekt jámiyetshilikke járiyalanǵan. Qaraqalpaqstan Respublikası Joqarǵı Keńesiniń sessiya qararı menen Shımbay, Kegeyli, Taxtakópir, Qaraózek hám Ámiwdárya rayonlarındaǵı 24 turaq jay iyeleriniń ózbasımshalıq penen hám artıqsha iyelegen jerlerine, olarda qurılǵan turaq jaylarına ijara hám múlk huqıqları tán alındı.