Bilimdi bahalaw agentliginiń Qaraqalpaqstandaǵı imaratı qurıp pitkerildi
598
Húrmetli Prezidentimizdiń 2022-jıl 15-iyundaǵı «Mámleketlik joqarı oqıw orınlarına oqıwǵa qabıllaw processlerin shólkemlestiriw haqqında»ǵı 279-sanlı qararı tiykarında Bilim hám tájiriybeni bahalaw agentliginiń Qaraqalpaqstan Respublikası bólimi ushın jańa imarat qurıldı. Atap ótiw orınlı, test sınaqların jıl dawamında ótkeriwge mólsherlengen 1000 orınlıq imarattı qurıw ushın Nókis qalası «Jańa bazar» mákan puqaralar jıyını aymaǵınan 2 ga jer ajıratılıp, 18,3 mlrd. sum qarjı tiykarında zamanagóy imarat qurıldı hám paydalanıwǵa tapsırıldı. Usı tiykarda abiturientlerdiń milliy sertifikatlar hám joqarı oqıw orınlarına kiriw imtixanların tapsırıwı ushın barlıq múmkinshilikler jaratıldı.