Qaraqalpaq mámleketlik universiteti studentleri xalıqaralıq matematika olimpiadasında joqarı nátiyjelerge eristi

Usı jıldıń 13-18-aprel kúnleri Túrkmenstan Respublikasınıń Ashxabad qalasında «Open Mathematical Olympiad for University Students (OMOUS-2025)» xalıqaralıq matematika olimpiadası bolıp ótti. Onda fundamental hám anıq pánlerge qızıǵıwshılıǵı joqarı bolǵan jaslardı anıqlaw, olardı hár tárepleme qollap-quwatlaw hám ilimiy baylanıslardı bekkemlew maqsetinde ótkerildi. Olimpiadada Berdaq atındaǵı Qaraqalpaq mámleketlik universitetiniń student-jasları da tabıslı qatnasıp, sıylı orınlardı iyeledi. Atap aytqanda, Matematika fakultetiniń studenti Sunkat Maksatov 1-orındı iyelep, altın medalǵa múnásip dep tabıldı. Sonday-aq, Damir Dilmuratov gúmis medal, Indira Satniyazova, Nursultan Erimbetov hám Nargiza Haqbergenova bolsa bronza medalları menen sıylıqlandı. Bunnan tısqarı, universitet komandası komandalıq esapta da joqarı nátiyjege erisip, gúmis medaldı qolǵa kirgizdi.