Нөкис районында инновациялық япон ақаба суўларын тазалаў системасын орнатыў жойбары әмелге асырылды

Birlesken Milletler Shólkeminiń Rawajlanıw baǵdarlaması tiykarında Yaponiya húkimeti tárepinen Nókis rayonı aymaǵındaǵı Qaraqalpaqstan mayıplardı reabilitaciyalaw hám protezlew orayına «Johkasou» atlı innovaciyalıq yapon aqaba suwların tazalaw sisteması ornatıldı. Bul texnologiyanı ornatıwdan maqset turmıslıq aqaba suwlardı tazalap, texnikalıq hám xojalıq maqsetlerinde qayta paydalanıw, ekosistemanı bekkemlew bolıp esaplanadı. Ulıwma bahası 40 mıń dollar bolǵan joybar ámelge asırılıwı nátiyjesinde suw arqalı juǵatuǵın keselliklerdi azaytıw, sanitariyalıq jaǵdaydı jaqsılaw hám salamat ortalıqtı támiyinlew ilajların keńeytiw imkaniyatı jaratıldı. Quwatlılıǵı 20 m3/sutka bolǵan jańa «Johkasou» sisteması aqaba suwlardı mikroorganizmler járdeminde texnikalıq hám xojalıq maqsetlerinde qayta paydalanıw ushın jaramlı bolǵan texnikalıq suwǵa aylandıradı.