«Aralboyı jaqsı niyet elshileri» xalıqaralıq konferenciyası ótkerildi
590
Nókis qalasında «Aral turizmi» xalıqaralıq hápteligi sheńberinde «Aralboyı jaqsı niyet elshileri» xalıqaralıq konferenciyası bolıp ótti. Konferenciyada Ekologiya, qorshaǵan ortalıqtı qorǵaw hám ıqlım ózgeriwi ministrligi, Qaraqalpaqstan Respublikası Ministrler Keńesi, Bas prokuratura, Turizm komitetiniń wákilleri, sonday-aq, ekologiyaǵa baylanıslı institutlar, bilimlendiriw mákemeleriniń qánigeleri, sırt elli ekspertler hám basqalar qatnastı. 
Onda Qaraqalpaqstan Respublikası Ministrler Keńesiniń Baslıǵı F.Ermanov aymaqta «jasıl qaplamalar» - qorǵaw toǵaylıqların payda etiw maqsetinde ámelge asırılıp atırǵan jumıslarǵa ayrıqsha toqtap ótti. 
Atap ótilgenindey, 2018-jıldıń dekabr ayınan baslap Aral teńiziniń suwı qurıǵan ultanına shól ósimlikleriniń tuqımları hám nállerin egiw jumısları ámelge asırılıp kelinbekte. Sonnan, ótken 2018-2024-jıllarda jámi 1,8 million gektardan aslam maydanda seksewil hám basqa da shól ósimliklerinen ibarat jańa toǵaylıqlar jaratıldı hám bul jumıslardı ámelge asırıwda 7 mıń tonnadan aslam shól ósimlikleri tuqımları egildi. Bul baǵdardaǵı jumıslar hár jılı joqarı dárejedegi shólkemleskenlik penen dawam ettiriledi. 
Ilajda Aral mashqalasınıń aqıbetlerin jumsartıw, Aralboyı xalqınıń turmısın jaqsılaw baǵdarında xalıqaralıq dárejede ámelge asırılıp atırǵan jumıslar boyınsha bir qatar taraw qánigeleri bayanat jasadı. Konferenciyada qánigeler tárepinen Aralboyında jasıl qaplamalardı kóbeytiw, shorlanıwdı azaytıw, shólleniwdiń aldın alıw, aymaq xalqınıń turmıs tárizin jaqsılaw, bul baǵdarda bilimlendiriwdi kúsheytiw hám maman kadrlar tayarlaw, klimat ózgeriwi máseleleri sıyaqlı áhmiyetli ekologiyalıq joybarlarǵa itibar qaratıldı.
Onda Qaraqalpaqstan Respublikası Ministrler Keńesiniń Baslıǵı F.Ermanov aymaqta «jasıl qaplamalar» - qorǵaw toǵaylıqların payda etiw maqsetinde ámelge asırılıp atırǵan jumıslarǵa ayrıqsha toqtap ótti. Atap ótilgenindey, 2018-jıldıń dekabr ayınan baslap Aral teńiziniń suwı qurıǵan ultanına shól ósimlikleriniń tuqımları hám nállerin egiw jumısları ámelge asırılıp kelinbekte. Sonnan, ótken 2018-2024-jıllarda jámi 1,8 million gektardan aslam maydanda seksewil hám basqa da shól ósimliklerinen ibarat jańa toǵaylıqlar jaratıldı hám bul jumıslardı ámelge asırıwda 7 mıń tonnadan aslam shól ósimlikleri tuqımları egildi. Bul baǵdardaǵı jumıslar hár jılı joqarı dárejedegi shólkemleskenlik penen dawam ettiriledi. Ilajda Aral mashqalasınıń aqıbetlerin jumsartıw, Aralboyı xalqınıń turmısın jaqsılaw baǵdarında xalıqaralıq dárejede ámelge asırılıp atırǵan jumıslar boyınsha bir qatar taraw qánigeleri bayanat jasadı. Konferenciyada qánigeler tárepinen Aralboyında jasıl qaplamalardı kóbeytiw, shorlanıwdı azaytıw, shólleniwdiń aldın alıw, aymaq xalqınıń turmıs tárizin jaqsılaw, bul baǵdarda bilimlendiriwdi kúsheytiw hám maman kadrlar tayarlaw, klimat ózgeriwi máseleleri sıyaqlı áhmiyetli ekologiyalıq joybarlarǵa itibar qaratıldı.