«Aral balıqlarınan 99 túrdegi taǵamlar» xalıqaralıq gastronomiyalıq festivalı ótkerildi
690
Qaraqalpaqstan Respublikasında ótkerilip atırǵan «Aral turizmi» xalıqaralıq hápteligi sheńberinde búgin Nókis qalasında «Aral balıqlarınan 99 túrdegi taǵamlar» xalıqaralıq gastronomiyalıq festivalı bolıp ótti. Festivalda aymaqlardıń gastronomiyalıq turizm potencialı keńnen úgit-násiyatlanıwı belgilengen bolıp, onda kóp milletli elimizde jasawshı barlıq xalıq hám millet wákilleri ushın súyikli bolǵan taǵamlar sheber aspaz hám háweskerler tárepinen tayarlandı. 
Ilájda jergilikli hám sırt elden kelgen turistler, student-jaslar, keń jámiyetshilik wákilleri qatnastı. 
Festival juwmaǵında balıqlardan tayarlanǵan, Aralboyında jasawshı xalıq wákillerine tán taǵamlardı tayarlawda óz-ara bellesken aspazlar arasınan anıqlanǵan jeńimpaz hám sıylı orın iyeleri bahalı sawǵalar menen sıylıqlandı.