Prezident Qaraózektegi Tebinbulaq káni negizinde kán-metallurgiya kompleksin qurıw joybarı menen tanıstı
3823
Bul kánde 1,1 milliard tonna shiyki zat rezervi anıqlanǵan. Dáslepki esaplawlarǵa qaraǵanda, jılına 33 million tonna ruda qazılıp, onnan 1,5 million tonna temir alınıwı jobalastırılǵan.
Mámleketimiz basshısınıń 2018-jıl 12-yanvardaǵı qararında bul investiciyalıq joybardı ámelge asırıw ilajları belgilengen.
Kán-metallurgiya kompleksi jılına 900 mıń tonna armatura, 225 mıń tonna sım, 375 mıń tonna ugolok, shveller hám basqa materiallardı islep shıǵarıw quwatlılıǵına iye boladı. Bul kóp muǵdardaǵı import ornın toltırıp, sanaattı turaqlı rawajlandırıwǵa xızmet etedi. Bul jerde 2 mıńnan aslam adam isleydi. Ónimlerdiń 35 procentin eksport etiw de jobalastırılǵan.
Joybardı tayarlaw hám ámelge asırıwǵa Germaniyanıń «DMT-Group Consulting» hám Avstriyanıń «Horst Wiesinger Consulting» kárxanaları tartılǵan.
Prezidentimiz usı kompaniyalardıń qánigeleri menen sáwbetlesti. Kompleks qurılısına ilimiy jaqtan puqta qatnas jasaw, temirden ónim islep shıǵarıw tarawında da ózine tán mektep jaratıw kerekligin atap ótti.
Mámleketimiz basshısı joybardıń texnikalıq-ekonomikalıq tiykarların puqta islep shıǵıw, onı ámelge asırıwǵa kóbirek jaslardı tartıw boyınsha kórsetpeler berdi.
Mámleketimiz basshısınıń 2018-jıl 12-yanvardaǵı qararında bul investiciyalıq joybardı ámelge asırıw ilajları belgilengen.
Kán-metallurgiya kompleksi jılına 900 mıń tonna armatura, 225 mıń tonna sım, 375 mıń tonna ugolok, shveller hám basqa materiallardı islep shıǵarıw quwatlılıǵına iye boladı. Bul kóp muǵdardaǵı import ornın toltırıp, sanaattı turaqlı rawajlandırıwǵa xızmet etedi. Bul jerde 2 mıńnan aslam adam isleydi. Ónimlerdiń 35 procentin eksport etiw de jobalastırılǵan.
Joybardı tayarlaw hám ámelge asırıwǵa Germaniyanıń «DMT-Group Consulting» hám Avstriyanıń «Horst Wiesinger Consulting» kárxanaları tartılǵan.
Prezidentimiz usı kompaniyalardıń qánigeleri menen sáwbetlesti. Kompleks qurılısına ilimiy jaqtan puqta qatnas jasaw, temirden ónim islep shıǵarıw tarawında da ózine tán mektep jaratıw kerekligin atap ótti.
Mámleketimiz basshısı joybardıń texnikalıq-ekonomikalıq tiykarların puqta islep shıǵıw, onı ámelge asırıwǵa kóbirek jaslardı tartıw boyınsha kórsetpeler berdi.