Prezident dúnyaǵa kózqarasın ózgertpegen sektor basshıların sınǵa aldı
3401
Ózbekstan Respublikası Prezidenti SHavkat Mirziyoevtiń basshılıǵında Nókis qalasında Qaraqalpaqstandı hár tárepleme rawajlandırıw boyınsha májilis bolıp ótpekte.
Onda Qaraqalpaqstan Respublikası Joqarǵı Keńesi hám Ministrler Keńesi, qala hám rayonlardıń sektor basshıları, ministrlikler hám uyımlardıń juwapkerleri qatnaspaqta.
Barlıq taraw hám aymaqlarda, sonıń ishinde, Qaraqalpaqstanda da unamlı sapa ózgerisleri támiyinlenbekte. Birinshi yarım jıllıqta jalpı aymaqlıq ónim 7,2 procentke, awıl xojalıǵı ónimlerin islep shıǵarıw 5,4 procentke, qurılıs jumıslarınıń kólemi 45 procentke ósken.
Prezidentimiz aymaqta ele belgili mashqalalar kóp ekenligin, sanaattı rawajlandırıw, jumıs orınların kóbeytiw boyınsha jumıslar jeterli emesligin atap ótti.
-Bul jerge qol shappatlawlar ushın emes, jumıs islew ushın, xalqımızdıń kózin kóriw ushın keldim,-dedi SHavkat Mirziyoev.-Dúnyaǵa kózqarasın ózgertpegen sektor basshıları ayaǵımızǵatusaw. Jumısqa alınǵan bir ǵana hayal-qızdıń baxtın kóz aldıńızǵa keltire alasız ba? Jaslardı kim jetekleydi, tuwrı jolǵa saladı? Moynaqtıń mısalında kórdińiz. Adamlardıń kózlerinde «islese boladı eken ǵo» degen nur bar. Biraq endi bul tariyx. Barlıq rayonlarda sonday ózgerislerdi islew kerek.
Birinshi yarım jıllıqta Qaraqalpaqstanda sanaattaǵı óndiris kólemi tek ǵana 0,5 procentke óskeni, Taxtakópir, SHomanay, Nókis, SHımbay, Tórtkól, Kegeyli rayonlarında sanaat derlik joq ekenligi sınǵa alındı. Xızmet kórsetiw, isbilermenliktiń rawajlanıwı da tómen dárejede ekenligi kórsetip ótildi.
Keyingi úsh jıl dawamında túpkilikli reformalardıń nátiyjesinde kóplegen tarawlardı erkinlestirdik, olardıń rawajlanıwına kesent bergen sheklewlerdi biykarladıq. Qaraqalpaqstanda da hár bir sektor basshısı sheklewlerdi biykarlayman, isbilermenge xızmet kórsetemen, degen qaǵıyda, súren menen islewi kerek,-dep atap ótti Prezident.
ÓzA
Prezidentimiz aymaqta ele belgili mashqalalar kóp ekenligin, sanaattı rawajlandırıw, jumıs orınların kóbeytiw boyınsha jumıslar jeterli emesligin atap ótti.
-Bul jerge qol shappatlawlar ushın emes, jumıs islew ushın, xalqımızdıń kózin kóriw ushın keldim,-dedi SHavkat Mirziyoev.-Dúnyaǵa kózqarasın ózgertpegen sektor basshıları ayaǵımızǵatusaw. Jumısqa alınǵan bir ǵana hayal-qızdıń baxtın kóz aldıńızǵa keltire alasız ba? Jaslardı kim jetekleydi, tuwrı jolǵa saladı? Moynaqtıń mısalında kórdińiz. Adamlardıń kózlerinde «islese boladı eken ǵo» degen nur bar. Biraq endi bul tariyx. Barlıq rayonlarda sonday ózgerislerdi islew kerek.
Birinshi yarım jıllıqta Qaraqalpaqstanda sanaattaǵı óndiris kólemi tek ǵana 0,5 procentke óskeni, Taxtakópir, SHomanay, Nókis, SHımbay, Tórtkól, Kegeyli rayonlarında sanaat derlik joq ekenligi sınǵa alındı. Xızmet kórsetiw, isbilermenliktiń rawajlanıwı da tómen dárejede ekenligi kórsetip ótildi.
Keyingi úsh jıl dawamında túpkilikli reformalardıń nátiyjesinde kóplegen tarawlardı erkinlestirdik, olardıń rawajlanıwına kesent bergen sheklewlerdi biykarladıq. Qaraqalpaqstanda da hár bir sektor basshısı sheklewlerdi biykarlayman, isbilermenge xızmet kórsetemen, degen qaǵıyda, súren menen islewi kerek,-dep atap ótti Prezident.
ÓzA