«Bul mekteplerdiń muǵallimi de, oqıwshısı da eń úlgili bolıwı kerek». SHavkat Mirziyoev Nókistegi Prezident mektebiniń qurılısı menen tanıstı
2718
Prezident mektepleri basqa mektepler ushın úlgi bolıwı, bilimlendiriw ortalıǵın ózgertiwi kerek. Bul haqqında mámleketimiz basshısı Nókis qalasında qurılıp atırǵan Prezident mektebi menen tanısıw waqtında aytıp ótti.
SHavkat Mirziyoev Prezident mekteplerin shólkemlestiriw baslamasın ótken jılı Nókis qalasında járiyalaǵan, bunı Qaraqalpaqstannan baslawdı usınıs etken edi.
Usı jıldıń 20-fevral kúni bul boyınsha Prezident qararı qabıl etildi.
Nókis qalasında da usı mektep qurılısı jedel alıp barılmaqta. Kembridj universiteti menen birgelikte Imtixan keńesi tárepinen ótkerilgen qabıllaw proceslerinde eń bilimge qushtar balalar saylap alındı.
SHavkat Mirziyoev mekteptiń imaratı da, aǵartıwshılıǵı da jaqsı bolıwı kerekligin, sol sebepli onı asıqpay, sapalı etip qurıp, Konstituciya bayramında paydalanıwǵa tapsırıw kerekligin atap ótti. Oǵan shekem oqıwshılar basqa imaratta oqıp turadı.
Mektepte sabaqlar sırt elli qánigeler menen birgelikte islep shıǵılǵan oqıw jobası hám «STEAM» baǵdarlaması tiykarında inglis tilinde alıp barıladı. Matematika, fizika, ximiya, biologiya hám málimleme texnologiyaları jáne shet tilleri aldınǵı bilimlendiriw metodikaları tiykarında tereń úyretiledi.
Mámleketimiz basshısı usı bilim dárgayı ushın pedagoglar qanday saylap alınıp atırǵanı menen qızıqtı.
– Bul mekteplerdiń muǵallimi de, oqıwshısı da eń úlgili bolıwı kerek, – dedi Prezident. – Tereń bilim menen birge ruwxıylıq, watan súyiwshilik sezimi de sińdiriliwi kerek. Bul jerge bilimli balalar keliwi ushın hár bir rayonda bazalıq baqsha hám mektepler qáliplesiwi kerek. Sonda ulıwma bilim, dáreje, bilimlendiriw ortalıǵı ózgeredi.
SHavkat Mirziyoev mekteptiń imaratı da, aǵartıwshılıǵı da jaqsı bolıwı kerekligin, sol sebepli onı asıqpay, sapalı etip qurıp, Konstituciya bayramında paydalanıwǵa tapsırıw kerekligin atap ótti. Oǵan shekem oqıwshılar basqa imaratta oqıp turadı.
Mektepte sabaqlar sırt elli qánigeler menen birgelikte islep shıǵılǵan oqıw jobası hám «STEAM» baǵdarlaması tiykarında inglis tilinde alıp barıladı. Matematika, fizika, ximiya, biologiya hám málimleme texnologiyaları jáne shet tilleri aldınǵı bilimlendiriw metodikaları tiykarında tereń úyretiledi.
Mámleketimiz basshısı usı bilim dárgayı ushın pedagoglar qanday saylap alınıp atırǵanı menen qızıqtı.
– Bul mekteplerdiń muǵallimi de, oqıwshısı da eń úlgili bolıwı kerek, – dedi Prezident. – Tereń bilim menen birge ruwxıylıq, watan súyiwshilik sezimi de sińdiriliwi kerek. Bul jerge bilimli balalar keliwi ushın hár bir rayonda bazalıq baqsha hám mektepler qáliplesiwi kerek. Sonda ulıwma bilim, dáreje, bilimlendiriw ortalıǵı ózgeredi.