Watanımızdıń joqarı sıylıqları tapsırıldı
2577
Ózbekstan Respublikası Prezidenti Shavkat Mirziyoevtiń pármanlarına muwapıq, ǵárezsizligimizdiń 28 jıllıǵı aldında bir topar jerleslerimiz hám mámleketimiz benen nátiyjeli birge islesip kiyatırǵan sırt elliler húrmetli ataqlar, orden hám medallar menen sıylıqlanǵan edi.
Kóksaray rezidenciyasında 31-avgust kúni áne usı joqarı sıylıqlardı saltanatlı tapsırıw máresimi boldı.
Shavkat Mirziyoev jıynalǵanlardı, olardıń tımsalında orınlarda mámleketlik sıylıqlardı qabıl etip atırǵan barlıq watanlaslarımızdı qutlıqladı.
Búgin barlıq tarawlarda ózgerisler júz bermekte. Ózbekstannıń ekonomikalıq qúdiretin arttırıw, aymaqlardı kompleksli rawajlandırıw, awıl hám máhállelerdi abat etiw, xalıqtıń turmıs dárejesin arttırıw boyınsha keń kólemli reformalar ámelge asırılmaqta. Ekonomika, adamlar turmısında úlken ózgerisler, reformalar ámelge asırılıp atırǵanı hám olardıń dáslepki nátiyjeleri kózge taslanıp atırǵanı atap ótildi.
-Xalıq penen hesh qashan bunday qarım-qatnas bolmaǵan. Adamlardı tıńlap, olardıń mashqalalarına qulaq túrsek, keleshekte isleytuǵın jumıslarımızdıń rejesi durıs boladı. Eń tiykarǵısı, xalqımızdıń isenimi bizge kúsh beredi,-dedi Prezident.
Ózbekstannıń xalıqshıl, insanıylıq siyasatın dúnya jámiyetshiligi tán almaqta. Sırtqı hám ishki siyasat keń kólemli sóylesiwler hám qatnasıqlar tiykarında, úylesimli halda alıp barılmaqta.
-Biz ushın birden-bir durıs jol, birden-bir maqset milletimiz, xalqımız, janajan Ózbekstanımızdıń mápin joqarı qoyıw bolıp tabıladı. Bul ushın bárqulla jetip ólshep, bir márte kesetuǵın siyasat alıp barıwımız kerek. Aldımızda qıyın wazıypalar tur. Xalqımızǵa, sizler sıyaqlı márt hám ǵayratlı watanlaslarımızǵa isenip, úlken shekti gózledik,-dedi mámleketimiz basshısı.
Shavkat Mirziyoev máresimge jıynalǵanlardı atpa-at tilge alıp, mámleketlik sıylıqlar menen qutlıqladı. Olardı Watanımızdıń naǵız perzentleri, hújdanı pák, kewli oyaw adamlar dep atadı. Nátiyjeli jumısı, hadal hám pidákerli miyneti, jaslarǵa ibrat bolıp atırǵanı ushın olarǵa minnetdarshılıq bildirip, jaqsı tileklerin bildirdi.
Prezidentimiz sıylıqlanǵan watanlaslarımız hám sırt elli diplomatlarǵa sıylıqlardı saltanatlı túrde tapsırdı.
-Usınday joqarı sıylıqqa múnásip kórgeni ushın Prezidentimizden minnetdarman,-dedi Ózbekstan Qaharmanı, «Nuranıy» qorı Samarqand wálayatı keńesiniń baslıǵı Hasan Normurodov.-Wazıypa, mártebe insanǵa ózin joqarı tutıp, menmenlikke beriliwi ushın emes, kerisinshe, jaqsı isleri menen basqalardıń qálbinde jaqsılıq gúllerin jaratıw ushın berilgen. Qaysı bir basshı usı qaǵıydaǵa ámel etip jumıs islese, bárqulla xalıqtıń názerinde boladı. Bunnan keyin de qolımnan kelgeninshe mámleketimizde ámelge asırılıp atırǵan reformalarǵa óz úlesimdi qosıwǵa háreket etemen.
Sıylıqlanǵanlar joqarı itibarı ushın mámleketimiz basshısına minnetdarshılıq bildirdi.
Ózbekstannıń xalıqshıl, insanıylıq siyasatın dúnya jámiyetshiligi tán almaqta. Sırtqı hám ishki siyasat keń kólemli sóylesiwler hám qatnasıqlar tiykarında, úylesimli halda alıp barılmaqta.
-Biz ushın birden-bir durıs jol, birden-bir maqset milletimiz, xalqımız, janajan Ózbekstanımızdıń mápin joqarı qoyıw bolıp tabıladı. Bul ushın bárqulla jetip ólshep, bir márte kesetuǵın siyasat alıp barıwımız kerek. Aldımızda qıyın wazıypalar tur. Xalqımızǵa, sizler sıyaqlı márt hám ǵayratlı watanlaslarımızǵa isenip, úlken shekti gózledik,-dedi mámleketimiz basshısı.
Shavkat Mirziyoev máresimge jıynalǵanlardı atpa-at tilge alıp, mámleketlik sıylıqlar menen qutlıqladı. Olardı Watanımızdıń naǵız perzentleri, hújdanı pák, kewli oyaw adamlar dep atadı. Nátiyjeli jumısı, hadal hám pidákerli miyneti, jaslarǵa ibrat bolıp atırǵanı ushın olarǵa minnetdarshılıq bildirip, jaqsı tileklerin bildirdi.
Prezidentimiz sıylıqlanǵan watanlaslarımız hám sırt elli diplomatlarǵa sıylıqlardı saltanatlı túrde tapsırdı.
-Usınday joqarı sıylıqqa múnásip kórgeni ushın Prezidentimizden minnetdarman,-dedi Ózbekstan Qaharmanı, «Nuranıy» qorı Samarqand wálayatı keńesiniń baslıǵı Hasan Normurodov.-Wazıypa, mártebe insanǵa ózin joqarı tutıp, menmenlikke beriliwi ushın emes, kerisinshe, jaqsı isleri menen basqalardıń qálbinde jaqsılıq gúllerin jaratıw ushın berilgen. Qaysı bir basshı usı qaǵıydaǵa ámel etip jumıs islese, bárqulla xalıqtıń názerinde boladı. Bunnan keyin de qolımnan kelgeninshe mámleketimizde ámelge asırılıp atırǵan reformalarǵa óz úlesimdi qosıwǵa háreket etemen.
Sıylıqlanǵanlar joqarı itibarı ushın mámleketimiz basshısına minnetdarshılıq bildirdi.