«Mehribanlıq úyi»ne Prezident sawǵası
2376
Usı jıl 4-sentyabr kúni Qaraqalpaqstan Respublikası Joqarǵı Keńesiniń Baslıǵı, Ózbekstan Qaharmanı M.Erniyazov Xojeli rayonındaǵı 1-sanlı «Mehribanlıq úyi»nde bolıp, tárbiyalanıwshıları jáne ustaz-pedagoglardı elimiz ǵárezsizliginiń 28 jıllıq bayramı hám jańa oqıw jılınıń baslanıwı menen qutlıqladı.
Atap ótilgenindey, elimizdiń barlıq ulıwma bilim beriw mekteplerinde jańa oqıw jılı «Janajan Ózbekstanım, máńgi bol aman!» súreni astında «Ǵárezsizlik sabaǵı» menen baslandı. Búgingi kúni respublikamızda 725 ulıwma bilim beriw mektebi bolıp, jańa oqıw jılı aldınan Investiciyalıq baǵdarlama tiykarında 7 ulıwma bilim beriw mektebi jańadan qurılǵan bolsa, 8 mektepte rekonstrukciyalaw hám 4 mektep kapital ońlaw jumısları alıp barıldı. Bul jumıslarǵa 45,1 milliard sum qarjı ajıratıldı.
Ózbekstan Respublikası Prezidentiniń usı jıl 20-fevraldaǵı «Abat awıl» baǵdarlamasın 2019-jılda ámelge asırıw boyınsha qosımsha ilajlar haqqındaǵı qararın orınlaw boyınsha respublikamızda 36 ulıwma bilim beriw mektebinde 53,4 milliard sumlıq qurılıs-ońlaw jumısları alıp barılıp, búgingi kúnge paydalanıwǵa tapsırıldı. 2019-2020-oqıw jılında 1-klassqa qabıl etilgen 35718 oqıwshıǵa 12 atamadaǵı «Prezident sawǵası» jetkerilip berildi.
Sońǵı jılları «Mehribanlıq úyi» tárbiyalanıwshılarına barlıq sharayatlar jaratılıp berilmekte. Usınıń nátiyjesinde bıyılǵı jılı 6 tárbiyalanıwshı joqarı oqıw ornına, 13 tárbiyalanıwshı akademiyalıq liceylerge oqıwǵa kiriwge miyasar boldı.
Ilaj sońında respublikamızdıń basshısı «Mehribanlıq úyi» jámáátine Prezidentimizdiń sawǵası-Gazel avtomashinasın, sonday-aq, birinshi klassqa qádem atqan oqıwshılarǵa «Prezident sawǵası»n saltanatlı jaǵdayda tapsırdı.
Bayram keshesi «Mehribanlıq úyi»niń «Tań ǵumshaları» ansambli hám «Qars» toparınıń koncert baǵdaralaması menen juwmaqlandı.
Atap ótilgenindey, elimizdiń barlıq ulıwma bilim beriw mekteplerinde jańa oqıw jılı «Janajan Ózbekstanım, máńgi bol aman!» súreni astında «Ǵárezsizlik sabaǵı» menen baslandı. Búgingi kúni respublikamızda 725 ulıwma bilim beriw mektebi bolıp, jańa oqıw jılı aldınan Investiciyalıq baǵdarlama tiykarında 7 ulıwma bilim beriw mektebi jańadan qurılǵan bolsa, 8 mektepte rekonstrukciyalaw hám 4 mektep kapital ońlaw jumısları alıp barıldı. Bul jumıslarǵa 45,1 milliard sum qarjı ajıratıldı.
Ózbekstan Respublikası Prezidentiniń usı jıl 20-fevraldaǵı «Abat awıl» baǵdarlamasın 2019-jılda ámelge asırıw boyınsha qosımsha ilajlar haqqındaǵı qararın orınlaw boyınsha respublikamızda 36 ulıwma bilim beriw mektebinde 53,4 milliard sumlıq qurılıs-ońlaw jumısları alıp barılıp, búgingi kúnge paydalanıwǵa tapsırıldı. 2019-2020-oqıw jılında 1-klassqa qabıl etilgen 35718 oqıwshıǵa 12 atamadaǵı «Prezident sawǵası» jetkerilip berildi.
Sońǵı jılları «Mehribanlıq úyi» tárbiyalanıwshılarına barlıq sharayatlar jaratılıp berilmekte. Usınıń nátiyjesinde bıyılǵı jılı 6 tárbiyalanıwshı joqarı oqıw ornına, 13 tárbiyalanıwshı akademiyalıq liceylerge oqıwǵa kiriwge miyasar boldı.
Ilaj sońında respublikamızdıń basshısı «Mehribanlıq úyi» jámáátine Prezidentimizdiń sawǵası-Gazel avtomashinasın, sonday-aq, birinshi klassqa qádem atqan oqıwshılarǵa «Prezident sawǵası»n saltanatlı jaǵdayda tapsırdı.
Bayram keshesi «Mehribanlıq úyi»niń «Tań ǵumshaları» ansambli hám «Qars» toparınıń koncert baǵdaralaması menen juwmaqlandı.