Vetnamlı miymanlar úlkemizde
2668
Usı jıl 27-sentyabr kúni Qaraqalpaqstan Respublikası Joqarǵı Keńesinde Vetnam awıl xojalıǵı minis¬trligi eksperti Tran Kuang Chjiudı qabıllaw máresimi bolıp ótti.
Ilajda Qaraqalpaqstan Respublikası Joqarǵı Keńesiniń Baslıǵı M.Erniyazov húrmetli miymandı respublikamızǵa saparı menen qutlıqlap, elimizde awıl xojalıǵı tarawın jetilistiriw boyınsha rawajlanǵan mámleketler tájiriybesin qollanıwda alıp barılıp atırǵan jumıslarǵa toqtap ótti.
Atap ótilgenindey, awıl xojalıǵı eginlerinen joqarı ónim alıwda jerlerdiń meliorativ awhalın, sonday-aq, irrigaciya hám melioraciya tarmaqların jaqsılaw tiykarǵı wazıypalardan sanaladı. Bul baǵdarda respublikamızda nátiyjeli jumıslar júrgizilmekte.
Óz gezeginde Vetnam awıl xojalıǵı ministrligi eks¬perti Tran Kuang Chjiu jıllı júzlilik penen kútip alǵanı ushın respublikamız basshısına minnetdarshılıq bildirdi.
Ilaj dawamında jerlerden joqarı ónim alıwda Vetnam hám Qıtay tájiriybeleri boyınsha óz-ara pikir alısıwlar boldı.