«Aralboyı – ekologiyalıq innovaciyalar hám texnologiyalar aymaǵı» atamasındaǵı xalıqaralıq konferenciya bolıp ótti
6490
25-oktyabr kúni Berdaq atındaǵı Qaraqalpaq mámleketlik akademiyalıq muzıkalı teatrında «Aral boyı – ekologiyalıq innovaciyalar hám texnologiyalar aymaǵı» atamasındaǵı joqarı dárejedegi xalıqaralıq konferenciyası bolıp ótti.
Ilajǵa jıynalǵan 200 den artıq miyman – sırt el mámleketleri diplomatik korpusları, xalıqaralıq ekologiyalıq shólkemlerdiń wákilleri, taraw qánigelerine dáslep Aral apatshılıǵı aqıbetleri, onı saplastırıw boyınsha investiciyalıq joybarlarǵa baǵıshlanǵan kórgizbeler hám awıl xojalıǵı ónimleri kórsetildi.
Konferenciyanı Oliy Majlis Nızamshılıq palatası Spikeri orınbasarı Boriy Alixonov alıp bardı.
Xalıqaralıq ánjumanda Ózbekstan Respublikası Prezidentiniń konferenciya qatnasıwshılarına jollaǵan múrájatın Ózbekstan Respublikası Bas ministriniń birinshi orınbasarı Achilboy Ramatov oqıp esittirdi.
Sońınan BMSh Bas xatkeri Antoniu Guterrishtiń konferenciya qatnasıwshılarına jollaǵan videomúrájatı qoyıp berildi.
Konferenciyada Qaraqalpaqstan Respublikası Joqarǵı Keńesiniń Baslıǵı Musa Erniyazov shıǵıp sóylep, Húrmetli Prezidentimiz basshılıǵında dúzilgen Aralboyı regionı ushın insan qáwipsizligi boyınsha kóp sheriklik tiykarındaǵı Trast fondı sheńberinde kóplegen xalıqaralıq donor shólkemlerdiń resursları jámlenip, olar jergilikli xalıqtıń turmıs dárejesin jaqsılawǵa jumsalıp atırǵanın, Aralboyı regionında ekologiyalıq apatshılıq aqıbetlerin saplastırıw ushın Ózbekstan húkimeti menen birgelikte Jáhán banki, Aziya rawajlanıw banki, Global ekologiyalıq Fond hám basqa da xalıqaralıq shólkemler menen donor mámleketlerdiń qollap-quwatlap atırǵanın ayrıqsha atap ótti.
Sonday-aq, Húrmetli Prezidentimizdiń tikkeley baslaması menen sońǵı jılları ekologiyalıq apatshılıqtıń tásirin jumsartıw boyınsha mámleketlik baǵdarlamalardıń ámelge asırılıp atırǵanı, ásirese, Aralboyı regionı ushın 2018-2021-jıllarǵa belgilengen arnawlı baǵdarlamanıń qabıl etilgeni jergilikli xalıqtıń turmısında ayrıqsha orın tutıp atırǵanın, búgingi kúnde Aral teńizi ultanında shólge shıdamlı ósimlikler egiw jumısları tez pát menen alıp barılıp atırǵanın, ótken qısqa dáwir ishinde 1 million 100 mıń gektardan aslam maydan egiske tayarlanıp, sonnan 500 mıń gektarǵa seksewil egilgenin, 2019-2020-jıllardıń qısqı hám báhárgi máwsiminde bul jumıslar jáne de dawam etip, 700 mıń gektarǵa shólge hám duzǵa shıdamlı eginler egiw rejelestirip atırǵanın aytıp ótti.
Ánjumanda BMSh Bas xatkeriniń Oraylıq Aziya boyınsha arnawlı wákili Natalya German, BMSh Bas xatkeriniń járdemshisi Abdulaye Deye, Evropa Awqamınıń Oraylıq Aziyadaǵı arnawlı wákili Piter Burian sózge shıqtı.
Ilajdıń tiykarǵı maqseti: ekologiyalıq taza texnologiyalardı islep shıǵıw hám engiziwge sırt el investiciyaların tartıw boyınsha sharayatlar jaratıw is-ilajların islep shıǵıw, jasıl ekonomika principlerin, energiyanı hám suwdı únemlewshi texnologiyalardı kompleksli túrde engiziw, azıq-awqat ónimleri qáwipsizligin támiyinlew, shólistanlıqtıń kóbeyiwiniń aldın alıw, ekologiyalıq turizmdi rawajlandırıwdan ibarat.
Aral teńiziniń qurıwı tek Ózbekstannıń emes, al pútkil dúnya júzilik apatshılıq bolıp esaplanadı. Bul ekologiyalıq, ıqlım, sociallıq-ekonomikalıq hám gumanitar aqıbetlerge alıp keletuǵın, insannıń is-háreketi nátiyjesinde payda bolǵan eń iri global ekologiyalıq mashqala bolıp, regionnıń ıqlım sharayatın jamanlastırdı.
Tilekke qarsı, Aral teńizin tolıq qayta tiklewdiń múmkinshiligi joq, biraq onıń awır aqıbetlerin jumsartıw múmkin. Aral teńizi krizisiniń qorshaǵan ortalıqqa hám Aral teńisi regionında jasawshı xalıqtıń turmıs tárizine tásirin kemeytiw, sonday-aq, ıqlım tásiriniń jáne de jamanlasıwınıń aldın alıw házirgi dáwirdiń eń áhmiyetli wazıypası bolıp esaplanadı.
Konferenciyada Prezidenttiń úsh baslamasın alǵa súriw: Aralboyında ekologiyalıq innovaciyalar hám texnologiyalar aymaǵın shólkemlestiriw koncepciyasınıń joybarı, Aralboyı regionın “Ekologiyalıq innovaciyalar hám texnologiyalar aymaǵı” dep járiyalaw haqqındaǵı BMSh Bas assambleyasınıń arnawlı rezolyuciyası, Oraylıq Aziyada suw resurslarınan aqılǵa uǵras paydalanıw boyınsha regionallıq baǵdarlama prezentaciyası hám dodalawı ótkerildi.
Ánjuman sheńberinde ekologiyalıq taza texnologiyalardı islep shıǵıw hám engiziwge sırt el investiciyaların tartıw boyınsha sharayatlar jaratıw, “jasıl ekonomika” principlerin, ekologiyalıq taza, energiyanı hám suwdı únemlewshi texnologiyalardı kompleksli túrde engiziw, shólleniw hám ekologiyalıq migraciyanıń dawam etiwiniń aldın alıw, ekologiyalıq turizmdi rawajlandırıw baǵdarlarında jıynalıslar ótkerildi.
Sońınan BMSh Bas xatkeri Antoniu Guterrishtiń konferenciya qatnasıwshılarına jollaǵan videomúrájatı qoyıp berildi.
Konferenciyada Qaraqalpaqstan Respublikası Joqarǵı Keńesiniń Baslıǵı Musa Erniyazov shıǵıp sóylep, Húrmetli Prezidentimiz basshılıǵında dúzilgen Aralboyı regionı ushın insan qáwipsizligi boyınsha kóp sheriklik tiykarındaǵı Trast fondı sheńberinde kóplegen xalıqaralıq donor shólkemlerdiń resursları jámlenip, olar jergilikli xalıqtıń turmıs dárejesin jaqsılawǵa jumsalıp atırǵanın, Aralboyı regionında ekologiyalıq apatshılıq aqıbetlerin saplastırıw ushın Ózbekstan húkimeti menen birgelikte Jáhán banki, Aziya rawajlanıw banki, Global ekologiyalıq Fond hám basqa da xalıqaralıq shólkemler menen donor mámleketlerdiń qollap-quwatlap atırǵanın ayrıqsha atap ótti.
Sonday-aq, Húrmetli Prezidentimizdiń tikkeley baslaması menen sońǵı jılları ekologiyalıq apatshılıqtıń tásirin jumsartıw boyınsha mámleketlik baǵdarlamalardıń ámelge asırılıp atırǵanı, ásirese, Aralboyı regionı ushın 2018-2021-jıllarǵa belgilengen arnawlı baǵdarlamanıń qabıl etilgeni jergilikli xalıqtıń turmısında ayrıqsha orın tutıp atırǵanın, búgingi kúnde Aral teńizi ultanında shólge shıdamlı ósimlikler egiw jumısları tez pát menen alıp barılıp atırǵanın, ótken qısqa dáwir ishinde 1 million 100 mıń gektardan aslam maydan egiske tayarlanıp, sonnan 500 mıń gektarǵa seksewil egilgenin, 2019-2020-jıllardıń qısqı hám báhárgi máwsiminde bul jumıslar jáne de dawam etip, 700 mıń gektarǵa shólge hám duzǵa shıdamlı eginler egiw rejelestirip atırǵanın aytıp ótti.
Ánjumanda BMSh Bas xatkeriniń Oraylıq Aziya boyınsha arnawlı wákili Natalya German, BMSh Bas xatkeriniń járdemshisi Abdulaye Deye, Evropa Awqamınıń Oraylıq Aziyadaǵı arnawlı wákili Piter Burian sózge shıqtı.
Ilajdıń tiykarǵı maqseti: ekologiyalıq taza texnologiyalardı islep shıǵıw hám engiziwge sırt el investiciyaların tartıw boyınsha sharayatlar jaratıw is-ilajların islep shıǵıw, jasıl ekonomika principlerin, energiyanı hám suwdı únemlewshi texnologiyalardı kompleksli túrde engiziw, azıq-awqat ónimleri qáwipsizligin támiyinlew, shólistanlıqtıń kóbeyiwiniń aldın alıw, ekologiyalıq turizmdi rawajlandırıwdan ibarat.
Aral teńiziniń qurıwı tek Ózbekstannıń emes, al pútkil dúnya júzilik apatshılıq bolıp esaplanadı. Bul ekologiyalıq, ıqlım, sociallıq-ekonomikalıq hám gumanitar aqıbetlerge alıp keletuǵın, insannıń is-háreketi nátiyjesinde payda bolǵan eń iri global ekologiyalıq mashqala bolıp, regionnıń ıqlım sharayatın jamanlastırdı.
Tilekke qarsı, Aral teńizin tolıq qayta tiklewdiń múmkinshiligi joq, biraq onıń awır aqıbetlerin jumsartıw múmkin. Aral teńizi krizisiniń qorshaǵan ortalıqqa hám Aral teńisi regionında jasawshı xalıqtıń turmıs tárizine tásirin kemeytiw, sonday-aq, ıqlım tásiriniń jáne de jamanlasıwınıń aldın alıw házirgi dáwirdiń eń áhmiyetli wazıypası bolıp esaplanadı.
Konferenciyada Prezidenttiń úsh baslamasın alǵa súriw: Aralboyında ekologiyalıq innovaciyalar hám texnologiyalar aymaǵın shólkemlestiriw koncepciyasınıń joybarı, Aralboyı regionın “Ekologiyalıq innovaciyalar hám texnologiyalar aymaǵı” dep járiyalaw haqqındaǵı BMSh Bas assambleyasınıń arnawlı rezolyuciyası, Oraylıq Aziyada suw resurslarınan aqılǵa uǵras paydalanıw boyınsha regionallıq baǵdarlama prezentaciyası hám dodalawı ótkerildi.
Ánjuman sheńberinde ekologiyalıq taza texnologiyalardı islep shıǵıw hám engiziwge sırt el investiciyaların tartıw boyınsha sharayatlar jaratıw, “jasıl ekonomika” principlerin, ekologiyalıq taza, energiyanı hám suwdı únemlewshi texnologiyalardı kompleksli túrde engiziw, shólleniw hám ekologiyalıq migraciyanıń dawam etiwiniń aldın alıw, ekologiyalıq turizmdi rawajlandırıw baǵdarlarında jıynalıslar ótkerildi.