JASLARÍMÍZ HÁMME TARAWDA ÓRNEK BOLADÍ
2012
Usı jıl 4-yanvar Nókis qalasındaǵı Jaslar orayında Qaraqalpaqstan Respublikası Joqarǵı Keńesiniń Baslıǵı, Ózbekstan Qaharmanı M.Erniyazov hám Ózbekstan Respublikası Prezidentiniń keńesgóyi T.Xudaybergenovtıń respublikamızdıń belsendi jasları menen ushırasıwı bolıp ótti.
Ilajda Prezidentimizdiń 2019-jıl 27-dekabr kúni Muhammed al-Xorezmiy atındaǵı málimleme texnologiyaları mektebinde jaslar menen ushırasıwda bildirilgen pikir hám usınısları, onnan kelip shıǵatuǵın wazıypalar sóz etildi. Jaslar menen ushırasıwda elimiz basshısınıń atap ótkenindey, 2020-jıl jaslarǵa baylanıslı mámleketlik siyasatta keskin burılıs jılı boladı. Hákimler hám juwapker basshılar jaslardıń mashqalaları menen tanısıp, hár ayda bir ret jergilikli keńeslerdiń sessiyalarında olardı dodalawı, xalıq wákillerine esabat beriwi zárúr ekenligi atap ótildi. Sonday-aq, jaslardıń bántligi, turaq jay támiynatı, bos waqtın mazmunlı ótkeriw, bilim alıwǵa hám kásip úyreniwge bolǵan talabın bárqulla úyrenip, anıq ilajlar kóriwi shárt.
Prezidentimiz 2018-jıldıń 15-16-noyabr kúnleri respublikamızǵa saparı waqtında Aral teńiziniń qurıǵan ultanında 500 mıń gektar maydanǵa shólge shıdamlı ósimliklerdi egip, jasıl toǵaylar payda etiw wazıypasın belgilep bergen edi. Bunday iygilikli isler dawam ettirilip, bıyılǵı jılı 700 mıń gektarǵa seksewil, qandim hám basqa da shólge shıdamlı ósimlikler egiw rejelestirilmekte. Bul jumıslarǵa wálayatlardan, respublikamızdıń qala hám rayonlarınan mıńǵa shamalas túrli markadaǵı texnika, tórt dana samolyot alıp kelinip, 2500 den aslam jumısshı qatnasıwı kútilmekte.
Jańa jıl bayramı aldında respublikamız jasları Aral teńiziniń qurıǵan ultanında bolıp, ámelge asırılıp atırǵan keń kólemli jumıslar menen jaqınnan tanıstı. Tek tanısıp qalmastan, ózleri de samolyotlarda, túrli texnikalarda, sonıń menen birge qolda ósimlerdi egiw jumıslarına qatnastı. Bul jerde miynet etip atırǵan jumısshılar menen pikir alısıwlar boldı. Álbette, olardıń pidákerlik miyneti hár tárepleme úlgi bolıp, jaslarımızdı teńizdiń qurıǵan ultanın toǵayzarlıqqa aylandırıw, solay etip, aymaǵımızda ekologiyalıq jaǵdaydı jaqsılaw, xalıqtıń abadan turmısın támiyinlew jolında miynet etiwge ruxlandırdı.
Ushırasıwda Nókis qánigelestirilgen mádeniyat mektebiniń oqıtıwshısı, «Nihol» sıylıǵınıń iyesi Sh.Tursınbaev, Qaraqalpaqstan teleradiokompaniyasınıń diktorı A.Qalıbaeva, Bozataw rayonındaǵı 1-sanlı ulıwma bilim beriw mektebiniń 7-klass oqıwshısı G.Orazbaeva, Ájiniyaz atındaǵı Nókis mámleketlik pedagogikalıq institutınıń studenti M.Turebekov sózge shıǵıp, jaslarǵa kórsetilip atırǵan itibar jáne ǵamqorlıǵı ushın Prezidentimizge minnetdarshılıq bildirdi. Aral teńiziniń qurıp barıwı aqıbetinde júzege kelgen ekologiyalıq jaǵdaydı jumsartıw, qorshaǵan ortalıqtı qorǵaw jáne teńiz ultanınan duzlı shań-tozańlar kóteriliwiniń aldın alıw maqsetinde shólge shıdamlı ósimlikler egiw jumıslarına jaslarımız tayar ekenligin atap ótti.
-Muhammed al-Xorezmiy atındaǵı málimleme texnologiyaları mektebinde jaslar menen ushırasıwda qatnasıw baxtına miyasar boldım,-deydi Nókis qánigelestirilgen mádeniyat mektebiniń oqıtıwshısı, «Nihol» sıylıǵınıń iyesi Shıraz Tursınbaev.-Onda Qaraqalpaqstannan opera mektebin shólkemlestiriw usınısın bildirdim hám meniń usınısım Prezidentimiz tárepinen qollap-quwatlandı.
Ushırasıwda jaslar óz pikir-usınısların bildirdi hám olardıń usınısları boyınsha tiyisli taraw basshılarına tapsırmalar berildi.
Ilajda Prezidentimizdiń 2019-jıl 27-dekabr kúni Muhammed al-Xorezmiy atındaǵı málimleme texnologiyaları mektebinde jaslar menen ushırasıwda bildirilgen pikir hám usınısları, onnan kelip shıǵatuǵın wazıypalar sóz etildi. Jaslar menen ushırasıwda elimiz basshısınıń atap ótkenindey, 2020-jıl jaslarǵa baylanıslı mámleketlik siyasatta keskin burılıs jılı boladı. Hákimler hám juwapker basshılar jaslardıń mashqalaları menen tanısıp, hár ayda bir ret jergilikli keńeslerdiń sessiyalarında olardı dodalawı, xalıq wákillerine esabat beriwi zárúr ekenligi atap ótildi. Sonday-aq, jaslardıń bántligi, turaq jay támiynatı, bos waqtın mazmunlı ótkeriw, bilim alıwǵa hám kásip úyreniwge bolǵan talabın bárqulla úyrenip, anıq ilajlar kóriwi shárt.
Prezidentimiz 2018-jıldıń 15-16-noyabr kúnleri respublikamızǵa saparı waqtında Aral teńiziniń qurıǵan ultanında 500 mıń gektar maydanǵa shólge shıdamlı ósimliklerdi egip, jasıl toǵaylar payda etiw wazıypasın belgilep bergen edi. Bunday iygilikli isler dawam ettirilip, bıyılǵı jılı 700 mıń gektarǵa seksewil, qandim hám basqa da shólge shıdamlı ósimlikler egiw rejelestirilmekte. Bul jumıslarǵa wálayatlardan, respublikamızdıń qala hám rayonlarınan mıńǵa shamalas túrli markadaǵı texnika, tórt dana samolyot alıp kelinip, 2500 den aslam jumısshı qatnasıwı kútilmekte.
Jańa jıl bayramı aldında respublikamız jasları Aral teńiziniń qurıǵan ultanında bolıp, ámelge asırılıp atırǵan keń kólemli jumıslar menen jaqınnan tanıstı. Tek tanısıp qalmastan, ózleri de samolyotlarda, túrli texnikalarda, sonıń menen birge qolda ósimlerdi egiw jumıslarına qatnastı. Bul jerde miynet etip atırǵan jumısshılar menen pikir alısıwlar boldı. Álbette, olardıń pidákerlik miyneti hár tárepleme úlgi bolıp, jaslarımızdı teńizdiń qurıǵan ultanın toǵayzarlıqqa aylandırıw, solay etip, aymaǵımızda ekologiyalıq jaǵdaydı jaqsılaw, xalıqtıń abadan turmısın támiyinlew jolında miynet etiwge ruxlandırdı.
Ushırasıwda Nókis qánigelestirilgen mádeniyat mektebiniń oqıtıwshısı, «Nihol» sıylıǵınıń iyesi Sh.Tursınbaev, Qaraqalpaqstan teleradiokompaniyasınıń diktorı A.Qalıbaeva, Bozataw rayonındaǵı 1-sanlı ulıwma bilim beriw mektebiniń 7-klass oqıwshısı G.Orazbaeva, Ájiniyaz atındaǵı Nókis mámleketlik pedagogikalıq institutınıń studenti M.Turebekov sózge shıǵıp, jaslarǵa kórsetilip atırǵan itibar jáne ǵamqorlıǵı ushın Prezidentimizge minnetdarshılıq bildirdi. Aral teńiziniń qurıp barıwı aqıbetinde júzege kelgen ekologiyalıq jaǵdaydı jumsartıw, qorshaǵan ortalıqtı qorǵaw jáne teńiz ultanınan duzlı shań-tozańlar kóteriliwiniń aldın alıw maqsetinde shólge shıdamlı ósimlikler egiw jumıslarına jaslarımız tayar ekenligin atap ótti.
-Muhammed al-Xorezmiy atındaǵı málimleme texnologiyaları mektebinde jaslar menen ushırasıwda qatnasıw baxtına miyasar boldım,-deydi Nókis qánigelestirilgen mádeniyat mektebiniń oqıtıwshısı, «Nihol» sıylıǵınıń iyesi Shıraz Tursınbaev.-Onda Qaraqalpaqstannan opera mektebin shólkemlestiriw usınısın bildirdim hám meniń usınısım Prezidentimiz tárepinen qollap-quwatlandı.
Ushırasıwda jaslar óz pikir-usınısların bildirdi hám olardıń usınısları boyınsha tiyisli taraw basshılarına tapsırmalar berildi.