JOQARǴÍ KEŃES BASLÍǴÍ “BIZNES MARAFON” MOTIVACIYaLÍQ TRENINGINIŃ QATNASÍWShÍLARÍ MENEN UShÍRASTÍ
1745
Qaraqalpaqstan Respublikası Joqarǵı Keńesiniń Baslıǵı Murat Kamalov usı jıldıń 2-iyun kúni paytaxtımız Nókis qalasında ótkeriletuǵın “Biznes marafon” motivaciyalıq treninginiń shólkemlestiriwshileri, isbilermenler hám biznes trenerler menen ushırastı.
Ushırasıwda Joqarǵı Keńes Baslıǵı M.Kamalov Húrmetli Prezidentimiz tárepinen mámleketimizde isbilermenlikti rawajlandırıw, ásirese, bul tarawǵa jaslardı keńnen tartıw, olardıń bántligin támiyinlew, isbilermenliktiń jańa, zamanagóy, dúnya bazarında óz ornına iye, elimizdiń ekonomikalıq potencialın kóteriw menen birge xalıqaralıq maydandaǵı imidjin arttırıwǵa xızmet etetuǵın tarmaqların en jaydırıwǵa qaratılıp atırǵan ayrıqsha itibar óziniń nátiyjelerin berip atırǵanlıǵın atap ótip, bul baǵdarda respublikamızda ámelge asırılıp atırǵan jumıslar hám rejeler haqqında maǵlıwmat berdi.
Óz gezeginde “Biznes marafon” motivaciyalıq treninginiń qatnasıwshıları jıllı júzlilik penen qabıl etkeni ushın Qaraqalpaqstan Respublikası Joqarǵı Keńesiniń Baslıǵına óz minnetdarshılıǵın bildirip ótti. Qaraqalpaqstanda sońǵı jıllarda sociallıq-ekonomikalıq tarawların jánede rawajlandırıw, jaslardı hár tárepleme qollap-quwatlaw baǵdarında ámelge asırılıp atırǵan jumıslarǵa joqarı baha berdi.
Ózbekstan Respublikası Prezidentiniń 2020-jıl 30-iyun kúngi “Ózbekstan Respublikasında jaslarǵa baylanıslı mámleketlik siyasattı túp-tiykarınan reformalaw hám jańa basqıshqa alıp shıǵıw ilajları haqqında”ǵı Pármanı tiykarında jaslardı isbilermenlikke tartıw arqalı olarda ózin-ózi rawajlandırıw boyınsha kúshli motivaciya oyatıw maqsetinde xalıqaralıq hám jergilikli kólemde joqarı abıroyǵa iye oratorlar (jetekshi isbilermenler) qatnasıwında Respublika boylap “Biznes marafon” motivaciyalıq treningleri shólkemlestirilmekte.
“Biznes marafon”lar usı jıldıń aprel-may aylarında Namangan, Ándijan, Ferǵana, Sırdárya, Tashkent, Jizzax, Nawayı, Buxara walayatlarında ótkerilip, bul ilajlarda 13 mıńnan artıq jaslar qatnastı.
Búgin paytaxtımızda ótkeriletuǵın “Biznes marafon”da motivaciyalıq treninglerdi “Deli.uz”, “Dekos.uz”, “Mfaktor” joybarlarınıń tiykarın salıwshısı Hasan hám Husan Mamasaidovlar, “Asaxiy.uz” internet dúkanınıń tiykarın salıwshısı Feruz Allaev, “Yaskanamu”, “Alvon” tekstil brendleriniń tiykarın salıwshısı Sherzod Beknazarov, “Thompson school” oqıw orayları tarmaǵınıń tiykarın salıwshısı Shaxzod Bahodirov, “Sobirovs Law Firm” (Kanada) kompaniyasınıń tiykarını salıwshısı Rahmad Sobirov sıyaqlı elimizde hám sırt ellerde jetiskenliklerge erisken watanlaslarımız, tájiriybeli isbilermenler hám biznes trenerler alıp baradı.
Ushırasıwda keleshekte bir qatar joybarlardı birgelikte ámelge asırıw boyınsha óz-ara pikir almasıwlar boldı.
Ushırasıwda Joqarǵı Keńes Baslıǵı M.Kamalov Húrmetli Prezidentimiz tárepinen mámleketimizde isbilermenlikti rawajlandırıw, ásirese, bul tarawǵa jaslardı keńnen tartıw, olardıń bántligin támiyinlew, isbilermenliktiń jańa, zamanagóy, dúnya bazarında óz ornına iye, elimizdiń ekonomikalıq potencialın kóteriw menen birge xalıqaralıq maydandaǵı imidjin arttırıwǵa xızmet etetuǵın tarmaqların en jaydırıwǵa qaratılıp atırǵan ayrıqsha itibar óziniń nátiyjelerin berip atırǵanlıǵın atap ótip, bul baǵdarda respublikamızda ámelge asırılıp atırǵan jumıslar hám rejeler haqqında maǵlıwmat berdi.
Óz gezeginde “Biznes marafon” motivaciyalıq treninginiń qatnasıwshıları jıllı júzlilik penen qabıl etkeni ushın Qaraqalpaqstan Respublikası Joqarǵı Keńesiniń Baslıǵına óz minnetdarshılıǵın bildirip ótti. Qaraqalpaqstanda sońǵı jıllarda sociallıq-ekonomikalıq tarawların jánede rawajlandırıw, jaslardı hár tárepleme qollap-quwatlaw baǵdarında ámelge asırılıp atırǵan jumıslarǵa joqarı baha berdi.
Ózbekstan Respublikası Prezidentiniń 2020-jıl 30-iyun kúngi “Ózbekstan Respublikasında jaslarǵa baylanıslı mámleketlik siyasattı túp-tiykarınan reformalaw hám jańa basqıshqa alıp shıǵıw ilajları haqqında”ǵı Pármanı tiykarında jaslardı isbilermenlikke tartıw arqalı olarda ózin-ózi rawajlandırıw boyınsha kúshli motivaciya oyatıw maqsetinde xalıqaralıq hám jergilikli kólemde joqarı abıroyǵa iye oratorlar (jetekshi isbilermenler) qatnasıwında Respublika boylap “Biznes marafon” motivaciyalıq treningleri shólkemlestirilmekte.
“Biznes marafon”lar usı jıldıń aprel-may aylarında Namangan, Ándijan, Ferǵana, Sırdárya, Tashkent, Jizzax, Nawayı, Buxara walayatlarında ótkerilip, bul ilajlarda 13 mıńnan artıq jaslar qatnastı.
Búgin paytaxtımızda ótkeriletuǵın “Biznes marafon”da motivaciyalıq treninglerdi “Deli.uz”, “Dekos.uz”, “Mfaktor” joybarlarınıń tiykarın salıwshısı Hasan hám Husan Mamasaidovlar, “Asaxiy.uz” internet dúkanınıń tiykarın salıwshısı Feruz Allaev, “Yaskanamu”, “Alvon” tekstil brendleriniń tiykarın salıwshısı Sherzod Beknazarov, “Thompson school” oqıw orayları tarmaǵınıń tiykarın salıwshısı Shaxzod Bahodirov, “Sobirovs Law Firm” (Kanada) kompaniyasınıń tiykarını salıwshısı Rahmad Sobirov sıyaqlı elimizde hám sırt ellerde jetiskenliklerge erisken watanlaslarımız, tájiriybeli isbilermenler hám biznes trenerler alıp baradı.
Ushırasıwda keleshekte bir qatar joybarlardı birgelikte ámelge asırıw boyınsha óz-ara pikir almasıwlar boldı.
Qaraqalpaqstan Respublikası Joqarǵı Keńesiniń baspasóz xızmeti