OKRUGLIK SAYLAW KOMISSIYaSÍ QURAMÍNA TALABANLAR USÍNÍLDÍ
3293
10-avgust kúni Qaraqalpaqstan Respublikası Joqarǵı Keńesiniń jigirma birinshi sessiyası bolıp ótti.
Videokonferencbaylanıs tárizinde ótken sessiyaǵa Ózbekstan Respublikası Oliy Majlisi Senatı, Qaraqalpaqstan Respublikası húkimeti aǵzaları, sektorlardıń hám tarawlardıń basshıları, ǵalaba xabar qurallarınıń wákilleri, sonday-aq, Joqarǵı Keńestiń deputatları qala hám rayon studiyalarında qatnastı.
Sessiyanı Qaraqalpaqstan Respublikası Joqarǵı Keńesiniń Baslıǵı M.Kamalov kiris sóz benen ashtı hám basqarıp bardı.
Deputatlar sessiyanıń Sekretariatın sayladı hám kún tártibin tastıyıqladı.
Atap ótilgenindey, bıyıl 24-oktyabr kúni elimizde Prezident saylawı bolıp ótedi. Saylaw kampaniyasi 23-iyulden baslandı. Búgingi kúnde Oraylıq saylaw komissiyası tárepinen saylaw okrugleri dúzilgen.
Ózbekstan Respublikası Saylaw kodeksiniń 21-statyasına muwapıq okruglik saylaw komissiyasının quramı boyınsha Joqarǵı Keńes tárepinen Oraylıq saylaw komissiyasına usınıs etiliwi tiyis.
Sessiya májilisi kún tártibindegi dáslepki másele, yaǵnıy Ózbekstan Respublikası Prezidentin saylawdı ótkeriwshi 1-Qaraqalpaqstan okruglik saylaw komissiyası aǵzalıǵına talabanlardı usınıw tuwralı másele kórip shıǵıldı.
Qaraqalpaqstan Respublikası Joqarǵı Keńesi Baslıǵınıń orınbasarı A.Davletov okruglik saylaw komissiyası aǵzalıǵına talabanlardın dizimin oqıp esittirdi.
Bul másele boyınsha Joqarǵı Keńes deputatları tiyisli qarar qabıl etti.
Sonday-aq, sessiyada «Qaraqalpaqstan Respublikası Joqarǵı Keńesi Prezidiumınıń tiyisli qararların tastıyıqlaw tuwralı» másele kórip shıǵılıp, bul boyınsha deputatlar tiyisli qarar qabıl etti.
Usınıń menen Qaraqalpaqstan Respublikası Joqarǵı Keńesiniń jigirma birinshi sessiyası óz jumısın juwmaqladı.
Sessiyanı Qaraqalpaqstan Respublikası Joqarǵı Keńesiniń Baslıǵı M.Kamalov kiris sóz benen ashtı hám basqarıp bardı.
Deputatlar sessiyanıń Sekretariatın sayladı hám kún tártibin tastıyıqladı.
Atap ótilgenindey, bıyıl 24-oktyabr kúni elimizde Prezident saylawı bolıp ótedi. Saylaw kampaniyasi 23-iyulden baslandı. Búgingi kúnde Oraylıq saylaw komissiyası tárepinen saylaw okrugleri dúzilgen.
Ózbekstan Respublikası Saylaw kodeksiniń 21-statyasına muwapıq okruglik saylaw komissiyasının quramı boyınsha Joqarǵı Keńes tárepinen Oraylıq saylaw komissiyasına usınıs etiliwi tiyis.
Sessiya májilisi kún tártibindegi dáslepki másele, yaǵnıy Ózbekstan Respublikası Prezidentin saylawdı ótkeriwshi 1-Qaraqalpaqstan okruglik saylaw komissiyası aǵzalıǵına talabanlardı usınıw tuwralı másele kórip shıǵıldı.
Qaraqalpaqstan Respublikası Joqarǵı Keńesi Baslıǵınıń orınbasarı A.Davletov okruglik saylaw komissiyası aǵzalıǵına talabanlardın dizimin oqıp esittirdi.
Bul másele boyınsha Joqarǵı Keńes deputatları tiyisli qarar qabıl etti.
Sonday-aq, sessiyada «Qaraqalpaqstan Respublikası Joqarǵı Keńesi Prezidiumınıń tiyisli qararların tastıyıqlaw tuwralı» másele kórip shıǵılıp, bul boyınsha deputatlar tiyisli qarar qabıl etti.
Usınıń menen Qaraqalpaqstan Respublikası Joqarǵı Keńesiniń jigirma birinshi sessiyası óz jumısın juwmaqladı.
Qaraqalpaqstan Respublikası Joqarǵı Keńesiniń baspasóz xızmeti