JOQARǴÍ KEŃES BASLÍǴÍ MEKTEP OQÍWShÍLARÍNA «ǴÁREZSIZLIK SABAǴÍ»N ÓTTI
2486
Respublikamızdaǵı ulıwma orta bilim beriw mekteplerinde 2021/2022-oqıw jılınıń baslanıwı múnásibeti menen birinshi qońıraw hám «Ǵárezsizlik sabaǵı» ilajları ótkerildi.
Paytaxtımızdaǵı 37-ulıwma orta bilim beriw mektebinde ótkerilgen saltanatlı ilajda Qaraqalpaqstan Respublikası Joqarǵı Keńesiniń Baslıǵı M.Kamalov qatnastı.
Ózbekstan hám Qaraqalpaqstan Respublikaları mámleketlik gimni atqarıldı.
Ilajda Joqarǵı Keńes Baslıǵı mektep oqıwshıların jańa oqıw jılınıń baslanıwı menen shın kewilden qutlıqladı, Húrmetli Prezidentimiz tárepinen ilgeri súrilgen “Jańa Ózbekstan mektep bosaǵasınan baslanadı” degen ideya tiykarında tálim hám tárbiya sistemasında túpkilikli reformalar ámelge asırılıp atırǵanlıǵın ayrıqsha atap ótti, oqıwshılardıń keleshekte Watanımızdıń rawajlanıwına úlken úles qosatuǵınına bekkem isenim bildirip, olarǵa bul jolda tasqın tabıslar tiledi.
Ilajda birinshi qońıraw qaǵıldı.
Bunnan soń Joqarǵı Keńes Baslıǵı 1-klass oqıwshılarına «Ǵárezsizlik sabaǵı»n ótip, ǵárezsilik, tınıshlıq, abadanlıq sıyaqlı túsiniklerdiń mazmun-mánisin hám áhmiyetin, búgin elimizde ámelge asırılıp atırǵan reformalar hám ózgerislerdegi, erisilip atırǵan jetiskenliklerdegi rolin turmıslıq mısallar menen aytıp berdi hám oqıwshılarǵa Prezident sawǵaların tapsırdı.
Qaraqalpaqstan Respublikası Joqarǵı Keńesiniń baspasóz xızmeti