JOQARǴÍ KEŃES BASLÍǴÍ NURANÍYLARDÍ SÍYLÍQLADÍ
2271
Elimizde “Kekselerdi qádirlew, olarǵa húrmet-izzet kórsetiw – xalqımızǵa tán ullı pazıylet” degen ideyanı ózinde jámlegen “Kekseler hápteligi” ótkerilmekte.
Háptelik dawamında elimizdegi barlıq nuranıylar, jalǵız jasawshı, mayıplıǵı bolǵan kekseler, 100 jastan asqan teberik nuranıylar, Ekinshi jer júzilik urısı qatnasıwshıları hám miynet veteranları, saqawat hám miriwbet úyinde jasap atırǵan kekseler halınan xabar alınıp, olarǵa itibar kórsetilip, hár túrli mádeniy, qayırqomlıq ilajları, ushırasıwlar ótkerilmekte.
Háptelik sheńberinde 7-oktyabr kúni paytaxtımızda nuranıylar ushın bayram dásturxanı jayıldı.
Onda jámiyetimizdiń túrli tarawlarında miynet etken, elimizdiń rawajlanıwına óz úlesin qosqan, búgingi kúnde óziniń turmıslıq tájiriybesin jaslarǵa úyretip kiyatırǵan belsendi nuranıylarımız hám jaslar qatnastı.
Ilajda Qaraqalpaqstan Respublikası Joqarǵı Keńesiniń Baslıǵı M.Kamalov qatnastı hám Qaraqalpaqstan Respublikası Joqarǵı Keńesi Prezidiumınıń arnawlı qararına muwapıq bir topar nuranıylarımızdı “Ardaqlı nuranıy” hám “Watan pidayısı” kókirek belgileri menen sıylıqladı.
Ilajda Qaraqalpaqstan kórkem-óner sheberleri qatnasıwında koncert baǵdarlaması qoyıp berildi.
Onda jámiyetimizdiń túrli tarawlarında miynet etken, elimizdiń rawajlanıwına óz úlesin qosqan, búgingi kúnde óziniń turmıslıq tájiriybesin jaslarǵa úyretip kiyatırǵan belsendi nuranıylarımız hám jaslar qatnastı.
Ilajda Qaraqalpaqstan Respublikası Joqarǵı Keńesiniń Baslıǵı M.Kamalov qatnastı hám Qaraqalpaqstan Respublikası Joqarǵı Keńesi Prezidiumınıń arnawlı qararına muwapıq bir topar nuranıylarımızdı “Ardaqlı nuranıy” hám “Watan pidayısı” kókirek belgileri menen sıylıqladı.
Ilajda Qaraqalpaqstan kórkem-óner sheberleri qatnasıwında koncert baǵdarlaması qoyıp berildi.
Qaraqalpaqstan Respublikası Joqarǵı Keńesiniń baspasóz xızmeti