JOQARǴÍ KEŃES BASLÍǴÍ AQSh ELShISIN QABÍLLADÍ
1659
Qaraqalpaqstan Respublikası Joqarǵı Keńesiniń Baslıǵı Murat Kamalov 28-oktyabr kúni AQShtıń Ózbekstan Respublikasındaǵı ayrıqsha hám tolıq huqıqlı elshisi Deniel Rozenblyumdi qabılladı.
Ushırasıwda Joqarǵı Keńes Baslıǵı M.Kamalov miymanlardı respublikamızǵa saparı menen qutlıqlap, Ózbekstan hám AQSh mámleketleri arasındaǵı strategiyalıq sheriklik hám óz-ara diplomatiyalıq baylanıslar sawda-ekonomikalıq, sociallıq hám basqa tarawlarda birge islesiwdi rawajlandırıwǵa xızmet etip, bul boyınsha ámelge asırılıp atırǵan joybarlar óziniń unamlı nátiyjelerin berip atırǵanlıǵın atap ótti.
Óz gezeginde AQShtıń Ózbekstan Respublikasındaǵı ayrıqsha hám tolıq huqıqlı elshisi Deniel Rozenblyum jıllı júzlilik penen qabıl etkeni ushın Qaraqalpaqstan Respublikası Joqarǵı Keńesiniń Baslıǵına óz minnetdarshılıǵın bildirip ótti. Prezidentimizdiń basshılıǵında elimizde ámelge asırılıp atırǵan keń kólemli reformalar, atap aytqanda, Qaraqalpaqstanda júz berip atırǵan úlken ózgeris hám jańalanıwlarǵa joqarı baha berdi.
Qabıllawda keleshekte birge islesiwdi bunnan bılay rawajlandırıw boyınsha óz-ara pikir almasıwlar boldı.
Maǵlıwmat ushın AQShtıń Ózbekstan Respublikasındaǵı ayrıqsha hám tolıq huqıqlı elshisi Deniel Rozenblyum Qaraqalpaqstanǵa saparı dawamında I.V.Savickiy atındaǵı Qaraqalpaq mámleketlik kórkem óner muzeyi, Mizdahqan tariyxıy esteligi, bilimlendiriw hám medicina mákemeleri menen tanısıwı, Aral teńizine sayahatı rejelestirilgen.
Óz gezeginde AQShtıń Ózbekstan Respublikasındaǵı ayrıqsha hám tolıq huqıqlı elshisi Deniel Rozenblyum jıllı júzlilik penen qabıl etkeni ushın Qaraqalpaqstan Respublikası Joqarǵı Keńesiniń Baslıǵına óz minnetdarshılıǵın bildirip ótti. Prezidentimizdiń basshılıǵında elimizde ámelge asırılıp atırǵan keń kólemli reformalar, atap aytqanda, Qaraqalpaqstanda júz berip atırǵan úlken ózgeris hám jańalanıwlarǵa joqarı baha berdi.
Qabıllawda keleshekte birge islesiwdi bunnan bılay rawajlandırıw boyınsha óz-ara pikir almasıwlar boldı.
Maǵlıwmat ushın AQShtıń Ózbekstan Respublikasındaǵı ayrıqsha hám tolıq huqıqlı elshisi Deniel Rozenblyum Qaraqalpaqstanǵa saparı dawamında I.V.Savickiy atındaǵı Qaraqalpaq mámleketlik kórkem óner muzeyi, Mizdahqan tariyxıy esteligi, bilimlendiriw hám medicina mákemeleri menen tanısıwı, Aral teńizine sayahatı rejelestirilgen.
Qaraqalpaqstan Respublikası Joqarǵı Keńesiniń baspasóz xızmeti