IShKI ISLER UYÍMLARÍ XÍZMETKERLERINIŃ KÁSIPLIK BAYRAMÍ BELGILENDI
3630
Berdaq atındaǵı Qaraqalpaq mámleketlik akademiyalıq muzıkalı teatrında Ózbekstan Respublikası Ishki isler ministrliginiń otız jıllıǵına baǵıshlanǵan saltanatlı májilis bolıp ótti.
Ózbekstan hám Qaraqalpaqstan Respublikalarınıń mámleketlik gimnleri jańladı.
Ilajda Qaraqalpaqstan Respublikası Joqarǵı Keńesiniń Baslıǵı M.Kamalov shıǵıp sóylep, ishki isler uyımlarınıń xızmetkerlerin kásiplik bayramı menen Qaraqalpaqstan Respublikası Joqarǵı Keńesi hám Ministrler Keńesiniń atınan qızǵın qutlıqladı.
Bayram múnásibeti menen bir topar ishki isler uyımlarınıń xızmetkerleri Qaraqalpaqstan Respublikası Joqarǵı Keńesi Prezidiumınıń qararı menen húrmetli ataq hám kókirek belgileri menen sıylıqlanǵan edi. Respublikamız basshısı usı húrmetli ataqlar menen kókirek belgilerin óz iyelerine tapsırdı.
Qaraqalpaqstan Respublikası Ishki isler ministri A.Temirxanov shıǵıp sóylep, Prezidentimizdiń basshılıǵında elimizde jınayatshılıqqa qarsı gúresiw, huqıqbuzarlıqlardıń aldın alıw, profilaktikalıq ilajlardıń nátiyjeliligin arttırıw, huqıq qorǵaw uyımlarınıń jámiyetshilik penen birge islesiwin jetilistiriwdiń áhmiyetine toqtap ótti.
Atap ótilgenindey, elimiz óz ǵárezsizligine erisken jıldan baslap xalqımızdıń tınıshlıǵın saqlaw hám abadan turmısında nızam ústinligin támiyinlewge ayrıqsha itibar qaratılıp kelinbekte. Ásirese, sońǵı jılları Prezidentimizdiń basshılıǵında júz berip atırǵan siyasiy, sociallıq-ekonomikalıq ózgerisler barlıq tarawlar sıyaqlı ishki isler uyımlarında da jámiyetlik tártipti saqlaw, puqaralardıń huqıq hám erkinliklerin támiyinlew, jınayatshılıqqa qarsı gúresiwde unamlı nátiyjesin bermekte. Bunda taraw xızmetkerleri aldına jınayatshılıqtıń erte aldın alıw tiykarǵı wazıypa etip belgilendi.
Ózbekstan Respublikasınıń 2006-jıl 6-dekabrdegi «Ózbekstan Respublikası Ishki isler uyımları xızmetkerleri kúnin belgilew haqqında»ǵı Nızamına muwapıq hár jılı 25-oktyabr Ishki isler uyımları xızmetkerleri kúni sıpatında keń túrde belgilenip kelinbekte.
Sońǵı 5 jıl dawamında Ishki isler uyımlarınıń materiallıq-texnikalıq bazası túp-tiykarınan jaqsılandı, jınayatshılıqtıń aldın alıwda jańasha sistema jaratıldı. Atap aytqanda, Qaraqalpaqstan Respublikası Ishki isler uyımlarında xızmet etip atırǵan turaq jayǵa mútáj 155 xızmetkerge uzaq múddetli, jeńilletilgen kredit tiykarında turaq jay qurıp pitkerildi hám óz iyelerine tapsırıldı. Búgingi kúni 363 profilaktika inspektorı xızmet úyleri, 276 profilaktika inspektorı «Matiz» avtomashinası menen támiyinlendi. Bunnan tısqarı, 220 xızmetkerdiń ijara pulı tólep berildi. Ishki isler uyımları xızmetkerleriniń sapalı xızmet alıp barıwları ushın sońǵı úsh jıl dawamında 118 zamanagóy xızmet avtomashinası berildi.
Prezidentimiz Ishki isler uyımlarınıń kásiplik bayramı múnásibeti menen taraw xızmetkerleri hám veteranlarına jollaǵan bayram qutlıqlawında «Men Jańa Ózbekstannıń ishki isler uyımlarınıń xızmetkerleri – Watanımızdıń haqıyqıy perzentleri sıpatında zamanagóy bilimlerdi iyelegen, ruwxıy-aǵartıwshılıq dúnyası bay, hár qanday qáwip-qáterge qarsı mártlik penen gúresiwge tayar xalqımızdıń shın mánisindegi qorǵawshıları ekenińizge bekkem isenemen»-degen pikirleri taraw xızmetkerlerin ruxlandırdı, desek asıra aytqan bolmaymız.
Ishki isler uyımları xızmetkerleri kúni múnásibeti menen bir topar xızmetkerler Prezidentimizdiń pármanı menen mámleketimizdiń ishki isler uyımlarındaǵı kóp jıllıq nátiyjeli miyneti, elimizde jámiyet qáwipsizligin, xalqımızdıń tınıshlıǵın támiyinlew, tınıshlıq hám turaqlılıqtı bekkemlewge qosqan múnásip úlesi, jınayatshılıqqa qarsı gúresiw, huqıqbuzarlıqlar profilaktikası nátiyjeliligin arttırıw, puqaralardıń huqıqları hám erkinlikleri, nızamlı máplerin qorǵaw jolındaǵı úlgili jumısı, sonday-aq, Ózbekstan Respublikası Ishki isler ministrliginiń otız jıllıǵı múnásibeti menen sıylıqlanǵan edi. Olardıń arasında Qaraqalpaqstan Respublikası Ishki isler ministrliginiń xızmetkerleri de bar. Atap aytqanda, Nókis rayonı ishki isler bóliminiń baslıǵı Salavat Kazbekov «Mardlik» ordeni, Ishki isler ministrligi janındaǵı Tergew basqarmasınıń aǵa tergewshisi Baxadir Uzaqbaev «Dwstlik» ordeni menen sıylıqlandı. Bunnan tısqarı, Ózbekstan Respublikası Ishki isler ministriniń buyrıǵı menen 3 xızmetker «Alo xizmatlari uchun», 26 xızmetker I, II, III-dárejeli «Benuqson xizmatlari uchun» kókirek belgisi, 3 xızmetker Húrmet jarlıǵı, 4 xızmetker estelik qol saatı, 176 xızmetker hám 24 veteran «Ózbekstan Respublikası Ishki isler ministrliginiń 30 jıllıǵı»kókirek belgisi menen sıylıqlandı.
Ilajda jınayatshılıqqa qarsı gúresiw, huqıqbuzarlıqtıń aldın alıw, jámiyetlik tártipti saqlawda pidayılıq kórsetken xızmetkerlerge, tańlaw jeńimpazlarına sıylıqlar, arnawlı shenler, taraw veteranlarına, xızmet wazıypasın atqarıw waqtında qaytıs bolǵan xızmetkerlerdiń shańaraq aǵzalarına sawǵaları tapsırıldı.
Qatnasıwshılarǵa respublikamız kórkem óner sheberleri hám ministrliktiń «Aral juldızları» ansambli aǵzalarınıń atqarıwındaǵı bayram koncerti qoyıp berildi.
Ilajǵa Qaraqalpaqstan Respublikası Ministrler Keńesiniń Baslıǵı Q.Sariev qatnastı.
Ilajda Qaraqalpaqstan Respublikası Joqarǵı Keńesiniń Baslıǵı M.Kamalov shıǵıp sóylep, ishki isler uyımlarınıń xızmetkerlerin kásiplik bayramı menen Qaraqalpaqstan Respublikası Joqarǵı Keńesi hám Ministrler Keńesiniń atınan qızǵın qutlıqladı.
Bayram múnásibeti menen bir topar ishki isler uyımlarınıń xızmetkerleri Qaraqalpaqstan Respublikası Joqarǵı Keńesi Prezidiumınıń qararı menen húrmetli ataq hám kókirek belgileri menen sıylıqlanǵan edi. Respublikamız basshısı usı húrmetli ataqlar menen kókirek belgilerin óz iyelerine tapsırdı.
Qaraqalpaqstan Respublikası Ishki isler ministri A.Temirxanov shıǵıp sóylep, Prezidentimizdiń basshılıǵında elimizde jınayatshılıqqa qarsı gúresiw, huqıqbuzarlıqlardıń aldın alıw, profilaktikalıq ilajlardıń nátiyjeliligin arttırıw, huqıq qorǵaw uyımlarınıń jámiyetshilik penen birge islesiwin jetilistiriwdiń áhmiyetine toqtap ótti.
Atap ótilgenindey, elimiz óz ǵárezsizligine erisken jıldan baslap xalqımızdıń tınıshlıǵın saqlaw hám abadan turmısında nızam ústinligin támiyinlewge ayrıqsha itibar qaratılıp kelinbekte. Ásirese, sońǵı jılları Prezidentimizdiń basshılıǵında júz berip atırǵan siyasiy, sociallıq-ekonomikalıq ózgerisler barlıq tarawlar sıyaqlı ishki isler uyımlarında da jámiyetlik tártipti saqlaw, puqaralardıń huqıq hám erkinliklerin támiyinlew, jınayatshılıqqa qarsı gúresiwde unamlı nátiyjesin bermekte. Bunda taraw xızmetkerleri aldına jınayatshılıqtıń erte aldın alıw tiykarǵı wazıypa etip belgilendi.
Ózbekstan Respublikasınıń 2006-jıl 6-dekabrdegi «Ózbekstan Respublikası Ishki isler uyımları xızmetkerleri kúnin belgilew haqqında»ǵı Nızamına muwapıq hár jılı 25-oktyabr Ishki isler uyımları xızmetkerleri kúni sıpatında keń túrde belgilenip kelinbekte.
Sońǵı 5 jıl dawamında Ishki isler uyımlarınıń materiallıq-texnikalıq bazası túp-tiykarınan jaqsılandı, jınayatshılıqtıń aldın alıwda jańasha sistema jaratıldı. Atap aytqanda, Qaraqalpaqstan Respublikası Ishki isler uyımlarında xızmet etip atırǵan turaq jayǵa mútáj 155 xızmetkerge uzaq múddetli, jeńilletilgen kredit tiykarında turaq jay qurıp pitkerildi hám óz iyelerine tapsırıldı. Búgingi kúni 363 profilaktika inspektorı xızmet úyleri, 276 profilaktika inspektorı «Matiz» avtomashinası menen támiyinlendi. Bunnan tısqarı, 220 xızmetkerdiń ijara pulı tólep berildi. Ishki isler uyımları xızmetkerleriniń sapalı xızmet alıp barıwları ushın sońǵı úsh jıl dawamında 118 zamanagóy xızmet avtomashinası berildi.
Prezidentimiz Ishki isler uyımlarınıń kásiplik bayramı múnásibeti menen taraw xızmetkerleri hám veteranlarına jollaǵan bayram qutlıqlawında «Men Jańa Ózbekstannıń ishki isler uyımlarınıń xızmetkerleri – Watanımızdıń haqıyqıy perzentleri sıpatında zamanagóy bilimlerdi iyelegen, ruwxıy-aǵartıwshılıq dúnyası bay, hár qanday qáwip-qáterge qarsı mártlik penen gúresiwge tayar xalqımızdıń shın mánisindegi qorǵawshıları ekenińizge bekkem isenemen»-degen pikirleri taraw xızmetkerlerin ruxlandırdı, desek asıra aytqan bolmaymız.
Ishki isler uyımları xızmetkerleri kúni múnásibeti menen bir topar xızmetkerler Prezidentimizdiń pármanı menen mámleketimizdiń ishki isler uyımlarındaǵı kóp jıllıq nátiyjeli miyneti, elimizde jámiyet qáwipsizligin, xalqımızdıń tınıshlıǵın támiyinlew, tınıshlıq hám turaqlılıqtı bekkemlewge qosqan múnásip úlesi, jınayatshılıqqa qarsı gúresiw, huqıqbuzarlıqlar profilaktikası nátiyjeliligin arttırıw, puqaralardıń huqıqları hám erkinlikleri, nızamlı máplerin qorǵaw jolındaǵı úlgili jumısı, sonday-aq, Ózbekstan Respublikası Ishki isler ministrliginiń otız jıllıǵı múnásibeti menen sıylıqlanǵan edi. Olardıń arasında Qaraqalpaqstan Respublikası Ishki isler ministrliginiń xızmetkerleri de bar. Atap aytqanda, Nókis rayonı ishki isler bóliminiń baslıǵı Salavat Kazbekov «Mardlik» ordeni, Ishki isler ministrligi janındaǵı Tergew basqarmasınıń aǵa tergewshisi Baxadir Uzaqbaev «Dwstlik» ordeni menen sıylıqlandı. Bunnan tısqarı, Ózbekstan Respublikası Ishki isler ministriniń buyrıǵı menen 3 xızmetker «Alo xizmatlari uchun», 26 xızmetker I, II, III-dárejeli «Benuqson xizmatlari uchun» kókirek belgisi, 3 xızmetker Húrmet jarlıǵı, 4 xızmetker estelik qol saatı, 176 xızmetker hám 24 veteran «Ózbekstan Respublikası Ishki isler ministrliginiń 30 jıllıǵı»kókirek belgisi menen sıylıqlandı.
Ilajda jınayatshılıqqa qarsı gúresiw, huqıqbuzarlıqtıń aldın alıw, jámiyetlik tártipti saqlawda pidayılıq kórsetken xızmetkerlerge, tańlaw jeńimpazlarına sıylıqlar, arnawlı shenler, taraw veteranlarına, xızmet wazıypasın atqarıw waqtında qaytıs bolǵan xızmetkerlerdiń shańaraq aǵzalarına sawǵaları tapsırıldı.
Qatnasıwshılarǵa respublikamız kórkem óner sheberleri hám ministrliktiń «Aral juldızları» ansambli aǵzalarınıń atqarıwındaǵı bayram koncerti qoyıp berildi.
Ilajǵa Qaraqalpaqstan Respublikası Ministrler Keńesiniń Baslıǵı Q.Sariev qatnastı.
D.ABIBULLAEV, Qaraqalpaqstan xabar agentliginiń sholıwshısı,
M.HÁBIBULLAEVtıń túsirgen súwretleri