Atap aytqanda, bıyılǵı jıldıń 17-sentyabrinde Nókis qalasında joqarı dárejede ótkerilgen Xalıqaralıq baqsıshılıq kórkem óneri festivalında bul kórkem óner túri Oraylıq Aziya mádeniyatı civilizaciyasında úlken áhmiyetke iye kórkem óner baǵdarı ekenligin xalıqaralıq kórkem ónertanıwshılar tárepinen tán alınǵanlıǵınıń hámmemiz gúwası boldıq.
Búgin áne usınday xalıqaralıq festivalda tınım tappay miynet etken, óziniń wazıypasın shın júrekten atqarıp, juwapkershiligin sezingen bir topar shólkemlestiriwshi topardıń wákilleri Qaraqalpaqstan Respublikası tárepinen «Watan pidayısı» (Vatan fidoyisi) kókirek belgisi menen sıylıqlandı.
Ózbekstan Respublikası Mádeniyat ministri Ozodbek Nazarbekov sıylıqlardı óz iyelerine tapsırıp atırıp,bılay dedi: – Xalıqaralıq baqsıshılıq festivalın múnásip shólkemlestiriwde bizge iyinles bolǵan tuwısqan qaraqalpaq xalqına miinetdar ekenimizdi atap ótiw zárúr. Búgingi sıylıqlaw da bul kórkem óner túrine bolǵan itibar hám onı rawajlandırıwǵa qosılǵan múnásip úlestiń ayqın úlgisi bolıp esaplanadı.
Qaraqalpaqstan xabar agentligi