JOQARǴÍ KEŃES BASLÍǴÍ NORVEGIYa ELShISIN QABÍLLADÍ
1385
Qaraqalpaqstan Respublikası Joqarǵı Keńesiniń Baslıǵı Murat Kamalov 25-noyabr kúni Norvegniyanıń Ózbekstan Respublikasındaǵı ayrıqsha hám tolıq huqıqlı elshisi Djon Mikal Kvistadtı qabılladı.
Ushırasıwda Joqarǵı Keńes Baslıǵı M.Kamalov Norvegiya elshisin respublikamızǵa saparı menen qutlıqlap, Ózbekstan hám Norvegiya arasındaǵı siyasiy, sawda-ekonomikalıq, mádeniy-gumanitarlıq hám basqa tarawlardaǵı óz-ara birge islesiw nátiyjesinde elimizde bir qatar joybarlar ámelge asırılıp atırǵanlıǵın atap ótti. Ásirese, Norvegiyanıń BMShnıń Aralboyı aymaǵı ushın insan qáwipsizligi boyınsha kópsheriklik Trast fondınıń jumısın qarjılandırıw boyınsha ámelge asırıp atırǵan jumıslarına joqarı baha berdi.
Óz gezeginde Norvegiyanıń Ózbekstan Respublikasındaǵı ayrıqsha hám tolıq huqıqlı elshisi Djon Mikal Kvistad jıllı júzlilik penen qabıl etkeni ushın Qaraqalpaqstan Respublikası Joqarǵı Keńesiniń Baslıǵına óz minnetdarshılıǵın bildirip ótti. Sońǵı jıllarda elimizle Aral teńiziniń qurıwı menen baylanıslı ekologiyalıq jaǵdaydı saplastırıw, Aralboyı aymaǵındaǵı xalıqtıń densawlıǵın bekkemlew, abadan turmısın támiyinlew boyınsha bir qatar reformalar ámelge asırılıp atırǵanlıǵına ayrıqsha toqtaldı.
Qabıllawda keleshekte birge islesiwdi bunnan bılay rawajlandırıw boyınsha óz-ara pikir almasıwlar boldı.
Óz gezeginde Norvegiyanıń Ózbekstan Respublikasındaǵı ayrıqsha hám tolıq huqıqlı elshisi Djon Mikal Kvistad jıllı júzlilik penen qabıl etkeni ushın Qaraqalpaqstan Respublikası Joqarǵı Keńesiniń Baslıǵına óz minnetdarshılıǵın bildirip ótti. Sońǵı jıllarda elimizle Aral teńiziniń qurıwı menen baylanıslı ekologiyalıq jaǵdaydı saplastırıw, Aralboyı aymaǵındaǵı xalıqtıń densawlıǵın bekkemlew, abadan turmısın támiyinlew boyınsha bir qatar reformalar ámelge asırılıp atırǵanlıǵına ayrıqsha toqtaldı.
Qabıllawda keleshekte birge islesiwdi bunnan bılay rawajlandırıw boyınsha óz-ara pikir almasıwlar boldı.
Qaraqalpaqstan Respublikası Joqarǵı Keńesiniń baspasóz xızmeti