“AYQULASh” ANSAMBLINE 65 JÍL
4209
Berdaq atındaǵı Qaraqalpaq mámleketlik akademiyalıq muzıkalı teatrında «Ayqulash» Qaraqalpaq mámleketlik milliy folklor ansambli shólkemlestirilgeniniń 65 jıllıǵı múnásibeti menen saltanatlı ilaj ótkerildi.
Qaraqalpaqstan Respublikası Joqarǵı Keńesiniń Baslıǵı Murat Kamalov ansambl jámáátin hám nuranıyların ansambldiń 65 jıllıq yubileyi menen qızǵın qutlıqladı.
Atap ótilgenindey, búgingi kúnde elimizde Prezidentimiz basshılıǵında mádeniyat hám kórkem-óner tarawın rawajlandırıwǵa, dóretiwshi insanlardı hár tárepleme qollap-quwatlawǵa úlken itibar qaratılıp, bul baǵdarda keń kólemli isler ámelge asırılmaqta.
Xalqımızdıń biytákirar mádeniyatı menen kórkem ónerin rawajlandırıwda, onı dúnyaǵa tanıtıwda «Ayqulash» Qaraqalpaq mámleketlik milliy folklor ansambli ayrıqsha orın iyeleydi. Bul ansambl jámááti milliy qosıqshılıq, sazendeshilik, ayaq oyını ónerleri boyınsha mámleket hám xalıqaralıq kólemde úlken tabıslardı qolǵa kirgizip kelmekte.
Ansambldiń dóretiwshilik jámááti kóp ásirlik bay mádeniyatımız benen kórkem-ónerimizdi keńnen úgit-násiyatlap ǵana qoymastan, xalqımızdıń ruwxıy dúnyasın jáne de bayıtıw, jas áwladtı milliy qádiriyatlarımız hám dástúrlerimizge húrmet, ana-Watanǵa muhabbat hám sadıqlıq ruwxında tárbiyalawda óziniń múnásip úlesin qosıp kiyatırǵanın ayrıqsha atap ótiw tiyis.
Mámleketlik ilajlardıń koncert baǵdarlamaları, respublika kóleminde ótkerilip kiyatırǵan ulıwmaxalıqlıq bayramlar, festivallar hám basqa da mádeniy ilajlarǵa «Ayqulash» ansambli de belsene katnasıp kelmekte. Ansambl jámáátiniń Rossiya, Ázerbayjan, Moldova, Ukraina, Belarus, Gruziya, Armeniya, Qubla Koreya, Qıtay hám basqa da bir qatar mámleketlerde gastrol saparlarında hám folklor festivallarında qatnasıp, xalıqaralıq mádeniy hám doslıq baylanısların jáne de bekkemlewge salmaqlı úles qosıwı – bul qaraqalpaq milliy mádeniyatı menen kórkem-ónerine bolǵan húrmet, sadıqlıq hám pidayılıqtıń kórinisi sanaladı.
Ilajda Qaraqalpaqstan Respublikası Joqarǵı Keńesi Prezidiumınıń qararı menen ansambl jámáátiniń bir topar aǵzaları hám nuranıyları Qaraqalpaqstan Respublikasınıń mámleketlik sıylıqları hámde kókirek belgileri menen sıylıqlandı.
Qaraqalpaqstan Respublikası Joqarǵı Keńesiniń Baslıǵı Murat Kamalov sıylıqlardı óz iyelerine saltanatlı túrde tapsırdı.
Ilajda Qaraqalpaqstan kórkem óner sheberleri hám jas talant iyeleri atqarıwındaǵı koncert baǵdarlaması qoyıp berildi.
Qaraqalpaqstan Respublikası Joqarǵı Keńesiniń Baslıǵı Murat Kamalov ansambl jámáátin hám nuranıyların ansambldiń 65 jıllıq yubileyi menen qızǵın qutlıqladı.
Atap ótilgenindey, búgingi kúnde elimizde Prezidentimiz basshılıǵında mádeniyat hám kórkem-óner tarawın rawajlandırıwǵa, dóretiwshi insanlardı hár tárepleme qollap-quwatlawǵa úlken itibar qaratılıp, bul baǵdarda keń kólemli isler ámelge asırılmaqta.
Xalqımızdıń biytákirar mádeniyatı menen kórkem ónerin rawajlandırıwda, onı dúnyaǵa tanıtıwda «Ayqulash» Qaraqalpaq mámleketlik milliy folklor ansambli ayrıqsha orın iyeleydi. Bul ansambl jámááti milliy qosıqshılıq, sazendeshilik, ayaq oyını ónerleri boyınsha mámleket hám xalıqaralıq kólemde úlken tabıslardı qolǵa kirgizip kelmekte.
Ansambldiń dóretiwshilik jámááti kóp ásirlik bay mádeniyatımız benen kórkem-ónerimizdi keńnen úgit-násiyatlap ǵana qoymastan, xalqımızdıń ruwxıy dúnyasın jáne de bayıtıw, jas áwladtı milliy qádiriyatlarımız hám dástúrlerimizge húrmet, ana-Watanǵa muhabbat hám sadıqlıq ruwxında tárbiyalawda óziniń múnásip úlesin qosıp kiyatırǵanın ayrıqsha atap ótiw tiyis.
Mámleketlik ilajlardıń koncert baǵdarlamaları, respublika kóleminde ótkerilip kiyatırǵan ulıwmaxalıqlıq bayramlar, festivallar hám basqa da mádeniy ilajlarǵa «Ayqulash» ansambli de belsene katnasıp kelmekte. Ansambl jámáátiniń Rossiya, Ázerbayjan, Moldova, Ukraina, Belarus, Gruziya, Armeniya, Qubla Koreya, Qıtay hám basqa da bir qatar mámleketlerde gastrol saparlarında hám folklor festivallarında qatnasıp, xalıqaralıq mádeniy hám doslıq baylanısların jáne de bekkemlewge salmaqlı úles qosıwı – bul qaraqalpaq milliy mádeniyatı menen kórkem-ónerine bolǵan húrmet, sadıqlıq hám pidayılıqtıń kórinisi sanaladı.
Ilajda Qaraqalpaqstan Respublikası Joqarǵı Keńesi Prezidiumınıń qararı menen ansambl jámáátiniń bir topar aǵzaları hám nuranıyları Qaraqalpaqstan Respublikasınıń mámleketlik sıylıqları hámde kókirek belgileri menen sıylıqlandı.
Qaraqalpaqstan Respublikası Joqarǵı Keńesiniń Baslıǵı Murat Kamalov sıylıqlardı óz iyelerine saltanatlı túrde tapsırdı.
Ilajda Qaraqalpaqstan kórkem óner sheberleri hám jas talant iyeleri atqarıwındaǵı koncert baǵdarlaması qoyıp berildi.
Qaraqalpaqstan Respublikası Joqarǵı Keńesiniń baspasóz xızmeti