Mámleketlik xızmetler orayınıń zamanagóy imaratı paydalanıwǵa tapsırıldı
2505
Búgin Xojeli rayonında Mámleketlik xızmetler orayınıń ashılıw saltanatı bolıp ótti.
Ilajda Qaraqalpaqstan Respublikası Joqarǵı Keńesi Baslıǵı M.Kamalov jıynalǵanlardı jańa imarattıń ashılıwı menen qızǵın qutlıqlap, elimizde Húrmetli Prezidentimiz tárepinen ilgeri súrilgen «Xalıq mámleketlik uyımlarǵa emes, mámleketlik uyımlar xalqımızǵa xızmet etiwi kerek» degen iygilikli ideyanı turmısqa keńnen engiziw maqsetinde jumıs alıp barıp atırǵan mámleketlik xızmetler oraylarınıń puqaralarǵa qolaylıqlar jaratıwǵa itibar qaratıp, olardıń jasap turǵan orınlarında, sonıń ishinde alıs aymaqlarda mámleketlik xızmetlerdi kórsetip atırǵanlıǵın ayrıqsha atap ótti.
Búgingi kúnde rayon Mámleketlik xızmetler orayı puqaralarǵa 160 dan aslam xızmet túrlerin kórsetip kelmekte.
Zamanagóy, eń sońǵı málimleme-texnologiyalıq quralları menen támiyinlengen bul imaratta endi oray xızmetkerleri hám puqaralar ushın barlıq qolaylıqlar jaratıldı.
Sonı da atap ótiw orınlı puqaralarǵa qolaylıqlar jaratıw, artıqsha áweregershiliklerdiń aldın alıw, olardıń waqtın tejew maqsetinde oray imaratına Xalıq qabıllawxanası, rayonlıq PHAJ bólimi jaylastırılǵan. Bul óz gezeginde puqaralar ushın bir jerdiń ózinde bir neshe jumıslarınıń bir waqıtta pitiwine sebep boladı.
Hár tárepleme zamanagóy qolaylıqlarǵa iye bolǵan Mámleketlik xızmetler orayınıń paydalanıwǵa tapsırılıwı xalqımızǵa tez hám sapalı xızmet kórsetiwge sharayat jaratadı.
Búgingi kúnde rayon Mámleketlik xızmetler orayı puqaralarǵa 160 dan aslam xızmet túrlerin kórsetip kelmekte.
Zamanagóy, eń sońǵı málimleme-texnologiyalıq quralları menen támiyinlengen bul imaratta endi oray xızmetkerleri hám puqaralar ushın barlıq qolaylıqlar jaratıldı.
Sonı da atap ótiw orınlı puqaralarǵa qolaylıqlar jaratıw, artıqsha áweregershiliklerdiń aldın alıw, olardıń waqtın tejew maqsetinde oray imaratına Xalıq qabıllawxanası, rayonlıq PHAJ bólimi jaylastırılǵan. Bul óz gezeginde puqaralar ushın bir jerdiń ózinde bir neshe jumıslarınıń bir waqıtta pitiwine sebep boladı.
Hár tárepleme zamanagóy qolaylıqlarǵa iye bolǵan Mámleketlik xızmetler orayınıń paydalanıwǵa tapsırılıwı xalqımızǵa tez hám sapalı xızmet kórsetiwge sharayat jaratadı.
Qaraqalpaqstan Respublikası Joqarǵı Keńesiniń baspasóz xızmeti