«XOShAMET-2021» sıylıqlaw saltanatı bolıp ótti
4466
Berdaq atındaǵı Qaraqalpaq mámleketlik akademiyalıq muzıkalı teatrında «Xoshamet-2021» jıldıń eń belsendilerin sıylıqlaw saltanatı bolıp ótti.
Sıylıqlaw saltanatına Qaraqalpaqstan Respublikası Joqarǵı Keńesiniń Baslıǵı M.Kamalov qatnastı.
Ilajda Joqarǵı Keńes Baslıǵı M.Kamalov cózge shıǵıp, elimizde jaslarǵa bolǵan itibar, ásirese Húrmetli Prezidentimizdiń jaslarǵa ayrıqsha itibar qaratıp, olardıń tereń bilim alıwı, kásip-óner iyelewi, sport penen shuǵıllanıwı, shet tillerin úyreniwi, isbilermenlikti jolǵa qoyıwı, eń baslısı, hár tárepleme salamat, bárkamal bolıp kámalǵa keliwi ushın ǵamxorlıq kórsetip kiyatırǵanlıǵın atap ótti.
Onnan soń, kúndelikli turmısımızda túrli tarawlarda pidayılıq kórsetip kiyatırǵan jaslar, sonıń menen birge, jaslarǵa baylanıslı mámleketlik siyasattı ámelge asırıwda órnek bolıp kiyatırǵan mámleketlik hám jámiyetlik basqarıw uyımlarınıń wákilleri 20 nominaciya boyınsha «Xoshamet – 2021» sıylıǵı menen xoshametlenip, olarǵa diplom hám bahalı sawǵalar tapsırıldı.
Qaraqalpaqstan Respublikası Joqarǵı Keńesiniń baspasóz xızmeti