«Keleshek liderleri» forumı bolıp ótti
2272
Búgin «Ózbekstan Jaslar forumı – 2021» hápteligi sheńberinde «Keleshek liderleri» forumı ótkerildi. Ilajda Qaraqalpaqstan Respublikası Joqarǵı Keńesiniń Baslıǵı Murat Kamalov sózge shıǵıp, elimizdegi talantlı hám qábiletli jaslardı mámleketlik puqaralıq xızmetine qızıqtırıw, olardı watandı súyiwshilik ruwxında tárbiyalawǵa qaratılǵan ilajlardı ámelge asırıw, kadrlar selekciyası arqalı aymaqlarda joqarı qánigeli mámleketlik puqaralıq xızmetkerlerdiń qatlamın hám jańa áwladlar arasınan perspektivalı kadrlardıń rezervin qáliplestiriwde «Keleshek liderleri» klubınıń ornı ayrıqsha ekenligin atap ótti. Keleshekte klub aǵzalarınıń hámde jaslardıń óz bilimi jáne potencialı menen elimizdiń rawajlanıwına múnásip úles qosatuǵınına bekkem isenim bildirdi.
Bunnan soń ózleriniń baslama hám ideyaları menen joybarlar islep shıǵıp, bir qatar tańlawlarda jeńimpaz bolǵan, sonday-aq, túrli tarawlarda joqarı nátiyjelerge erisip atırǵan qabiletli jaslar sertifikat hám bahalı sawǵalar menen sıylıqlandı.
Ilaj dawamında jaslar ózleriniń tayarlap kelgen biznes baslamaları, startapları, miynet bazarında talap joqarı bolǵan qánigelikler hám biznes júritiw kónlikpeleri boyınsha joybarların tanıstırdı.
Ilaj dawamında jaslar ózleriniń tayarlap kelgen biznes baslamaları, startapları, miynet bazarında talap joqarı bolǵan qánigelikler hám biznes júritiw kónlikpeleri boyınsha joybarların tanıstırdı.
Qaraqalpaqstan Respublikası Joqarǵı Keńesiniń baspasóz xızmeti