«Awıl xojalıǵı xızmetkerleri kúni»ne baǵıshlanǵan bayram saltanatı bolıp ótti
2809
Milliy qara úyler, diyqanlarımızdıń pidákerlik miynetin ulıǵlawshı shaqırıq-súrenler menen bezetilgen paytaxtımızdaǵı oraylıq atshabar maydanında «Awıl xojalıǵı xızmetkerleri kúni»ne baǵıshlanıp bayram saltanatı bolıp ótti.
Ilajdıń ashılıw saltanatında Qaraqalpaqstan Respublikası Joqarǵı Keńesiniń Baslıǵı M.Kamalov shıǵıp sóylep, jıynalǵanlardı bayram menen qutlıqladı hám Húrmetli Prezidentimizdiń awıl xojalıǵı xızmetkerlerine jollanǵan bayram qutlıqlawınıń mazmun-mánisin, sonıń menen birge, awıl xojalıǵın modernizaciyalaw hám diversifakciyalaw, jer-suw resurslarınan nátiyjeli paydalanıw, tarawǵa innovaciyalıq texnologiyalardı engiziw, xalıqtı sapalı azıq-awqat ónimleri menen támiyinlew, fermer hám klasterlerdi qollap-quwatlaw baǵdarındaǵı ámelge asırılıp atırǵan jumıslardı ayrıqsha atap ótti.
Bayram tamashaları arqan tartısıw jarısı menen baslandı. Onda Shımbay rayonı birinshi, Qońırat rayonı ekinshi, Shomanay rayonınıń komandası sıylı úshinshi orınlardı iyelep, shólkemlestiriwshiler tárepinen bahalı sawǵalar menen sıylıqlandı.
Bayram qatnasıwshılarınıń itibarı qurǵa qaratıldı. Bir neshe salmaq kategoriyalarında palwanlar bellesiwi bolıp ótti. Bas bayraq ushın ortaǵa gúresiw ushın Xojeli rayonınıń palwanı Zarafatdin Turdımuratov hám Shomanay rayonınıń palwanı Abdixalikov Miyirbek mirát etildi. Bir-birine múnásip palwanlar bellesiwinde Zarafatdin Turdımuratov jeńiske eristi. Qaraqalpaqstan Respublikası Joqarǵı Keńesiniń Baslıǵı M.Kamalov palwanǵa bas bayraq – Lasetti «Djentra» avtomashinasınıń giltin saltanatlı jaǵdayda tapsırdı.
Qoshqarlar urısı da tamashagóylerde ayrıqsha qızıǵıwshılıq oyattı.
Bunnan keyin at sportı jarısları baslandı «Qız quwıw», «Teńge alıw», hám bir, úsh, bes, jeti, on aylawǵa atlar jiberildi. Onda Tashkent qalasınan, hámde respublikamızdıń barlıq rayonlarınan kelgen shabandozlar shólkemlestiriwshiler tárepinen qoyılǵan bahalı sawǵalar ushın báygige tústi.
Ásirese, on aylawǵa jiberilgen atlar shabısı bársheniń dıqqat itibarında boldı. Báygige birinshi bolıp kelgen tashkentli Áwez Xajınıń atı bas bayraqtı jeńip alıp, Lasetti «Djentra» avtomashinası menen sıylıqlandı. Keyingi sıylı orınlardı iyelegen shabandozlar da qımbat bahalı sawǵalar menen sıylıqlandı. Sonday-aq, «Qız quwıw», «Teńge alıw», «Kókpar» jarıslarınıń jeńimpazları anıqlanıp, bahalı sawǵalar tapsırıldı.
Bayram qatnasıwshılarına diyqanlarımız tárepinen jetistirilgen awıl xojalıǵı ónimleriniń yarmarkası, sheber aspazlarımız tayarlaǵan túrli taǵamlar usınıldı. Ózbekstan hám Qaraqalpaqstan kórkem óner sheberleri atqarıwındaǵı koncert baǵdarlaması bayram qatnasıwshılarına joqarı keypiyat baǵıshladı. «Awıl xojalıǵı xızmetkerleri kúni»ne baǵıshlanıp ótkerilgen bayram xalıq seyili menen uzaq dawam etti.
Bayram qatnasıwshılarınıń itibarı qurǵa qaratıldı. Bir neshe salmaq kategoriyalarında palwanlar bellesiwi bolıp ótti. Bas bayraq ushın ortaǵa gúresiw ushın Xojeli rayonınıń palwanı Zarafatdin Turdımuratov hám Shomanay rayonınıń palwanı Abdixalikov Miyirbek mirát etildi. Bir-birine múnásip palwanlar bellesiwinde Zarafatdin Turdımuratov jeńiske eristi. Qaraqalpaqstan Respublikası Joqarǵı Keńesiniń Baslıǵı M.Kamalov palwanǵa bas bayraq – Lasetti «Djentra» avtomashinasınıń giltin saltanatlı jaǵdayda tapsırdı.
Qoshqarlar urısı da tamashagóylerde ayrıqsha qızıǵıwshılıq oyattı.
Bunnan keyin at sportı jarısları baslandı «Qız quwıw», «Teńge alıw», hám bir, úsh, bes, jeti, on aylawǵa atlar jiberildi. Onda Tashkent qalasınan, hámde respublikamızdıń barlıq rayonlarınan kelgen shabandozlar shólkemlestiriwshiler tárepinen qoyılǵan bahalı sawǵalar ushın báygige tústi.
Ásirese, on aylawǵa jiberilgen atlar shabısı bársheniń dıqqat itibarında boldı. Báygige birinshi bolıp kelgen tashkentli Áwez Xajınıń atı bas bayraqtı jeńip alıp, Lasetti «Djentra» avtomashinası menen sıylıqlandı. Keyingi sıylı orınlardı iyelegen shabandozlar da qımbat bahalı sawǵalar menen sıylıqlandı. Sonday-aq, «Qız quwıw», «Teńge alıw», «Kókpar» jarıslarınıń jeńimpazları anıqlanıp, bahalı sawǵalar tapsırıldı.
Bayram qatnasıwshılarına diyqanlarımız tárepinen jetistirilgen awıl xojalıǵı ónimleriniń yarmarkası, sheber aspazlarımız tayarlaǵan túrli taǵamlar usınıldı. Ózbekstan hám Qaraqalpaqstan kórkem óner sheberleri atqarıwındaǵı koncert baǵdarlaması bayram qatnasıwshılarına joqarı keypiyat baǵıshladı. «Awıl xojalıǵı xızmetkerleri kúni»ne baǵıshlanıp ótkerilgen bayram xalıq seyili menen uzaq dawam etti.
Qaraqalpaqstan Respublikası Joqarǵı Keńesiniń baspasóz xızmeti