Joqarǵı Keńes Baslıǵı eń alıs áskeriy bólimlerde kórkem imaratlardı paydalanıwǵa tapsırdı
1783
Sońǵı jılları Qurallı Kúshlerimizde alıp barılıp atırǵan keń kólemli reformalardıń tiykarǵı maqseti áskeriy xızmetkerler hám olardıń shańaraq aǵzalarınıń sociallıq jaqtan qorǵalıwın támiyinlew, xızmetti ótew hám jasaw ushın qolaylı sharayatlar jaratıw, áskerlerdiń jawıngerlik tayarlıǵın arttırıwǵa qaratılǵan. Qurallı Kúshlerimiz shólkemlestirilgenliginiń 30 jıllıǵı hám “Watan qorǵawshıları kúni” bayramı aldınan paydalanıwǵa tapsırılıp atırǵan bunday obektler sózimizdiń ayqın mısalı bolıp tabıladı.
7-yanvar kúni Qaraqalpaqstan Respublikası Joqarǵı Keńesiniń Baslıǵı, aymaqlıq áskeriy-hákimshilik sektorı baslıǵı M.Kamalov hám de Arqa-batıs áskeriy okrugi komandiri Nókis rayonında jaylasqan áskeriy bólimlerdiń birinde áskeriy xızmetkerlerge bayram aldınan sıylıq retinde jańadan qurılǵan Mánáwiyat hám márifat orayı hám de bólim shtabı binaların paydalanıwǵa tapsırdı.
Saltanatlı ilajda áskeriy xızmetkerler hám olardıń shańaraq aǵzaları, Qurallı Kúshler nuranıyları, mámleketlik hám jámiyetlik shólkem wákilleri, qurılısshılar qatnastı.
Atap ótiw orınlı, bunnan aldın eń alıs gornizonda jaylasqan bul áskeriy qalashada jasap atırǵan áskeriy xızmetkerlerdiń perzentleri pán hám sport dógereklerine qatnawda mashqalalar payda bolar edi.
Gornizondaǵı áskeriy qalasha aymaǵında 2021-jıldıń mart ayında qurılısı baslanǵan bul obekt aldın bos turǵan 1100 kvadrat metr maydanda qurılıp, bir qabatlı úsh kompleksten ibarat. Birinshi kompleks bayram ilajların ótkeriw zalı hám de kútiw bólmelerin, ekinshi kompleks áskeriy xızmetkerlerdiń perzentlerine xızmet kórsetiwshi matematika, mental arifmetika, ana tili, ingliz tili, rus tili hám kompyuter bilimin arttırıw boyınsha dógerek bólmelerin óz ishine aladı. Al, úshinshi kompleks sporttı ǵalabalastırıw, salamat turmıs tárizin úgit-násiyatlawǵa xızmet etip, bul jerde jabıq sport maydanshası, fitnes hám de awır atletika menen shuǵıllanıw ushın zallar qurılǵan.
Ilaj dawamında áskeriy bólimniń iri ońlaw jumısları alıp barılǵan 22 xızmet xanasınan ibarat bolǵan eki qabatlı shtab imaratı da paydalanıwǵa tapsırıldı.
Saltanatlı ilajda áskeriy xızmetkerler hám olardıń shańaraq aǵzaları, Qurallı Kúshler nuranıyları, mámleketlik hám jámiyetlik shólkem wákilleri, qurılısshılar qatnastı.
Atap ótiw orınlı, bunnan aldın eń alıs gornizonda jaylasqan bul áskeriy qalashada jasap atırǵan áskeriy xızmetkerlerdiń perzentleri pán hám sport dógereklerine qatnawda mashqalalar payda bolar edi.
Gornizondaǵı áskeriy qalasha aymaǵında 2021-jıldıń mart ayında qurılısı baslanǵan bul obekt aldın bos turǵan 1100 kvadrat metr maydanda qurılıp, bir qabatlı úsh kompleksten ibarat. Birinshi kompleks bayram ilajların ótkeriw zalı hám de kútiw bólmelerin, ekinshi kompleks áskeriy xızmetkerlerdiń perzentlerine xızmet kórsetiwshi matematika, mental arifmetika, ana tili, ingliz tili, rus tili hám kompyuter bilimin arttırıw boyınsha dógerek bólmelerin óz ishine aladı. Al, úshinshi kompleks sporttı ǵalabalastırıw, salamat turmıs tárizin úgit-násiyatlawǵa xızmet etip, bul jerde jabıq sport maydanshası, fitnes hám de awır atletika menen shuǵıllanıw ushın zallar qurılǵan.
Ilaj dawamında áskeriy bólimniń iri ońlaw jumısları alıp barılǵan 22 xızmet xanasınan ibarat bolǵan eki qabatlı shtab imaratı da paydalanıwǵa tapsırıldı.
Qaraqalpaqstan Respublikası Joqarǵı Keńesiniń baspasóz xızmeti