Joqarǵı Keńes komitetiniń qospa májlisi
1038
Kegeyli rayonı hákimliginde Qaraqalpaqstan Respublikası Joqarǵı Keńesiniń Nızamlılıq, sud-huqıq hám korrupciyaǵa qarsı gúresiw máseleleri komiteti hám de xalıq deputatları Kegeyli rayonlıq Keńesindegi sud-xuqıq hám korrupciyaǵa qarsı gúresiw máseleleri boyınsha turaqlı komissiyasınıń qospa májilisi bolıp ótti.
Qospa májilisti Qaraqalpaqstan Respublikası Joqarǵı Keńesiniń komitet baslıǵı, Qaraqalpaqstan Respublikası Korrupciyaǵa qarsı gúresiw aymaqlıq keńesiniń xatkeri Z.Reymova ashtı hám basqarıp bardı.
Májiliste huqıqbuzarlıqlar profilaktikası, jınayatshılıqqa qarsı gúresiw, jámiyetlik tártipti saqlaw hám puqaralardıń qáwipsizligin támiyinlew boyınsha alıp barılıp atırǵan jumısları haqqında Kegeyli rayonlıq ishki isler bóliminiń málimlemesi tıńlandı. Sonıń menen birge, mámleketlik uyımlar, mekeme hám kárxanalarda korrupciyaǵa qarsı gúresiw boyınsha ótkerilgen anonim sorawnamalardıń nátiyjeleri dodalandı.
Májiliske Qaraqalpaqstan Respublikası Joqarǵı Keńesiniń deputatları, xalıq deputatları Kegeyli rayonlıq Keńesiniń deputatları, Korrupciyaǵa qarsı gúresiw aymaqlıq keńesiniń aǵzaları hám tiyisli taraw wákilleri qatnastı.
Májiliske Qaraqalpaqstan Respublikası Joqarǵı Keńesiniń deputatları, xalıq deputatları Kegeyli rayonlıq Keńesiniń deputatları, Korrupciyaǵa qarsı gúresiw aymaqlıq keńesiniń aǵzaları hám tiyisli taraw wákilleri qatnastı.
Qaraqalpaqstan Respublikası Joqarǵı Keńesiniń baspasóz xızmeti