Ózbekstan hám Qazaqstan Prezidentleri birge islesiwdiń áhmiyetli máselelerin dodaladı
1349
Ózbekstan Respublikası Prezidenti Shavkat Mirziyoev 3-mart kúni Qazaqstan Respublikası Prezidenti Qasım-Jomart Toqaev penen telefon arqalı sóylesti.
Ózbekstan-Qazaqstan doslıq, strategiyalıq sheriklik hám awqamlaslıq qatnasıqların jáne de bekkemlew, óz-ara paydalı ámeliy birge islesiwdi keńeytiwdiń áhmiyetli máseleleri dodalandı.
Eki mámleket jetekshi kárxanalarınıń, bárinen burın, sawda, energetika, mashina qurılısı, ximiya, qurılıs tarmaqları, transport hám logistika tarawlarında kooperaciyalıq joybarlardı ámelge asırıwǵa ayrıqsha itibar qatarıldı.
Usı múnásibet penen joqarı dárejedegi kelisimlerge muwapıq birgeliktegi ekonomikalıq joybarlar hám mádeniy-gumanitarlıq baǵdarlamalardı ámelge asırıw boyınsha húkimetler dárejesinde turaqlı hám nátiyjeli sóylesiwler alıp barılıp atırǵanı unamlı bahalandı.
Ózbekstan hám Qazaqstan jetekshileri xalıqaralıq kún tártibi hám regionallıq birge islesiwdiń áhmiyetli tárepleri boyınsha da pikir alıstı.
Telefon arqalı sóylesiw áddettegidey doslıq hám isenim ruwxında bolıp ótti.